李家 (埃華街)

營業中

休息中

早兩個月前就見到呢度開咗間新嘅韓式炸雞餐廳，今日終於可以堂食去到10點，我就立刻約班朋友收工過嚟試吓！呢度雖然睇落去細細間，但係坐落去又幾舒服喎！店入面仲會播放韓國嘅MTV，音樂唔會太大聲唔怕阻住傾偈，冷氣溫度又舒適！我哋成班人好似發現新大陸咁，望住個Menu係咁問個服務員呢樣果樣，好似十萬個為什麼咁！個服務員都仲可以好有禮貌好友善咁解答晒我哋所有問題，而且仲會按照我哋各人口味而介紹返適合我哋嘅嘢食，送餐過嚟嘅時候又會溫馨提示我哋小心食熱，又會問我哋需唔需要手套去食炸雞，仲會送濕紙巾俾我哋抹手添，今時今日咁嘅服務態度真係冇得輸！而且食物嘅份量又夠晒多，樣樣都好好食真係估佢唔到！可惜佢太多野食選擇，花多眼亂，睇嚟要去多次先可以試齊晒佢啲野食啦！