尚鮮海鮮料理

營業中

休息中

香港同台灣一樣，一年到晚都可以食火鍋。 今次同個台灣朋友就去咗佐敦呢一間晚餐 。位置唔算偏僻， 樓下仲有咪錶泊車位， 係商業大廈 一樓， 好在有個大招牌所以都好易搵到。一坐低就睇menu， 兩人嘅套餐選擇唔多， 價錢中等，但openrice預訂有折， 所以都ok。星級之選套餐有前菜， 鴛鴦鍋，肉類丸類蔬菜 麵食全有， 食完好飽前菜有清酒煮鮑魚泰式生蝦。 鮑魚上盤時很貼心地已切開了， 再加上個清酒汁， 味道清新。 泰式生蝦爽口彈牙， 配合辣椒，生蒜， 很惹味。火鍋湯底一邊芫茜皮蛋 一邊係血池麻辣鍋，滿足不同口味。海鮮拼盤， 手切安格斯牛肉先上場。海鮮拼盤有大蝦 蟶子，蜆， 蟮魚。 手切肥牛考刀工 排得好靚 牛味重，唔會過肥。其他配料入面嘅木耳鮮蝦雲吞， 芝心獅子狗卷 很出色 。木耳鮮蝦雲吞皮薄餡靚, 芝心獅子狗卷咬落流心芝士， 要小心熱。蔬菜新鮮， 仲有烏冬tim.值得一讚嘅係待應不斷走埋嚟幫手畢走火鍋上浮面嘅潺， 我諗一餐有走嗰黎十次左右，而且加湯都好主動，服務好好。