影片
更多
2021-04-07
161 瀏覽
90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【烤乳豬配蘋果醬】HK$218(🐥) 乳豬皮又薄又脆，點蘋果蓉好match好好食，肉身會燒到少乾，但啲肥豬肉可以令到佢再加番啲油膩感，中和吓幾好👍.(👦) 餐廳都幾多選擇但又唔會標籤邊款係佢地招牌菜，咁就用下Openrice 搵下熱門菜式，見好多人推薦烤乳豬，就首選點呢個 😂😂 上枱時，係熱辣辣出晒煙，feel到佢係岩岩出爐👦 食落皮好香脆，乳豬肉或多或少都帶點油膩感，但跟餐配蘋果醬就能夠岩岩好中和口裡感覺😊 可惜份量不多，跟餐亦只係少少配菜做裝飾。🐥 : ⭐⭐⭐⭐(4/5)👦 : ⭐⭐⭐⭐(4/5).【香烤原骨澳洲羊扒】HK$258(🐥) 羊架羶味比出面餐廳食嘅較重，我個人幾鍾意食🙈 但怕太羶嘅朋未必啱。羊肉好淋，唔多筋，幾好食👍 今次我哋叫咗五成熟，砌到中間位都有少少紅，怕太生嘅朋友可以叫七成熟。.(👦) 本身係見烤乳豬都幾好食，但份量唔多而追加。上枱時跟乳豬一樣，份量偏少，而且少少配菜做裝飾。切開羊扒
(👦)自稱三星米芝蓮食評家
(🐥)自稱拉麵沾麵專家
👉 主打不專業食評🍽️
👉 快閃飲食著數🤑
____________
👉 不專業食評🍽️
.
【烤乳豬配蘋果醬】HK$218
(🐥) 乳豬皮又薄又脆，點蘋果蓉好match好好食，肉身會燒到少乾，但啲肥豬肉可以令到佢再加番啲油膩感，中和吓幾好👍
.
(👦)
餐廳都幾多選擇但又唔會標籤邊款係佢地招牌菜，咁就用下Openrice 搵下熱門菜式，見好多人推薦烤乳豬，就首選點呢個 😂😂
上枱時，係熱辣辣出晒煙，feel到佢係岩岩出爐👦 食落皮好香脆，乳豬肉或多或少都帶點油膩感，但跟餐配蘋果醬就能夠岩岩好中和口裡感覺😊
可惜份量不多，跟餐亦只係少少配菜做裝飾。
🐥 : ⭐⭐⭐⭐(4/5)
👦 : ⭐⭐⭐⭐(4/5)
.
【香烤原骨澳洲羊扒】HK$258
(🐥) 羊架羶味比出面餐廳食嘅較重，我個人幾鍾意食🙈 但怕太羶嘅朋未必啱。羊肉好淋，唔多筋，幾好食👍 今次我哋叫咗五成熟，砌到中間位都有少少紅，怕太生嘅朋友可以叫七成熟。
.
(👦)
本身係見烤乳豬都幾好食，但份量唔多而追加。上枱時跟乳豬一樣，份量偏少，而且少少配菜做裝飾。切開羊扒內裡偏生，重係有d紅，👦覺得羊架大約係3-4成熟，未係完全5成熟☹️
味道方面，除左羊架切開左太過生的一小部份外，味道幾好，羊羶味不會太重，羊架邊位都帶點焦香。
🐥 : ⭐⭐⭐⭐(4/5)
👦 : ⭐⭐⭐⭐(4/5)
.
【龍蝦汁蟹肉天使麵】HK$138
(🐥) 龍蝦醬好入味，啖啖都有蟹肉碎肉，好正👍 而且份量亦幾多，好抵食，只係賣相有些少普通🤔 以半價價錢食真係好抵！
.
(👦) 賣相比較普通，份量適中，可能👦平時叫開意粉，天使麵感覺有d似粉絲，唔太吸汁，覺得蟹肉唔太多。食落覺得味道普通，龍蝦汁亦冇話太驚喜，比較之下會想試下其他菜式多d。
🐥 : ⭐⭐⭐⭐(4/5)
👦 : ⭐⭐⭐(3/5)
____________
👉 快閃著數🔥✅
.
今次用左 Eatigo 2人訂位，晚市9點半入座可以有50% off！
值得一提既係，今期餐廳消費滿$500，用DBS信用卡找數可以再減$50
本身都諗住係到會食夠$500，然後再用DBS信用卡簽帳 😂😂
但50% off真係好平，埋單都過唔到$500 🤣
.
如果覺得9點半太夜，亦可book早d既時段，折扣會少d，但同樣會有d著數。
____________
👉 餐廳總評
.
(🐥)
餐廳裝修幾有格調，而且坐得幾舒服，好適合同朋友傾計，不過有時會加插啲都幾舊嘅英文歌，例如Justin Bieber - Baby😂
。餐包係一落order就會送上，好熱手，點蒜蓉橄欖油亦好香👍 不過食完餐包後，等左成半個鐘先有主菜，唯獨送菜速度就有點慢。
🐥總分評價：⭐⭐⭐(3/5)
--- 食物：⭐⭐⭐⭐(4/5)
--- 性價比：⭐⭐⭐⭐(4/5)
--- 服務：⭐⭐(2/5)
--- 環境：⭐⭐⭐⭐(4/5)
.
(👦)
食物質素上文已經點評左，但就想分享下食物以外既體驗係較為失望。環境裝修都幾靚，有樓上酒吧扒房feel。入面雖然唔算大，但一大班朋友拍埋d枱，8
~
12人都唔成問題！留意番上菜時間真係好耐，9點半落單既主菜要等到10點2先上到枱，畢竟第一次食呢間餐廳，本身都係想叫少少食完覺得好食/唔飽先再追加order，但連我自己都開始擔心last
order之前都未有得食，那來追加(?)☹️
而且服務都幾需要改善下，待應都忙於準備收鋪，冇點理會過客人，水杯空左好耐都冇人理過。👦由9點半坐到10點半，傾到口乾都冇人加過1次水。眼見待應整理好自己收鋪既野，企係收銀附近玩手機都冇諗過周圍行下，睇下客人有咩需要，唯有自己開聲要求加水，但成個感覺真係變得幾差下。亦因為咁，最後追加既羊架，比人感覺係佢地趕收工所以勉強夠5成熟就快快手手送餐收爐。各種不愉快體驗，都另到👦明明覺得係一間唔錯既餐廳都唔想回頭再光顧！
👦總分評價：⭐⭐⭐(3/5)
--- 食物：⭐⭐⭐⭐(4/5)
--- 性價比：⭐⭐⭐⭐(4/5)
--- 服務：⭐(1/5)
--- 環境：⭐⭐⭐(3/5)
6 瀏覽
0 讚好
0 留言
8 瀏覽
0 讚好
0 留言
8 瀏覽
0 讚好
0 留言
張貼
