唐閣

2023年嘅8月尾，開始周圍搵月餅送俾親友。最後，經保險公司FWD嘅apps憑會員積分再額外加三百幾蚊換咗朗廷嘅雙黃白蓮蓉月餅。點解揀朗廷，最大原因係佢嘅精緻包裝。木製嘅月餅盒可以留返做首飾盒，送俾女親友一定會心心眼😍！打開木製月餅盒，入面有4個白蓮蓉月餅，每一個再用靚靚紙盒獨立包裝，精美又豪華，送禮非常得體！至於月餅嘅味道，我覺得一般至幾好，蛋黃油份充足，白蓮蓉甜度適中，入口順滑唔涸喉。用積分加錢或者經優惠訂購平台買，大約三百幾的話，我覺得係值得入手嘅～如果直接喺酒店買原價的話，就略微貴咗少少。