影片
更多
2023-01-17
238 瀏覽
Weekend過咗大館買手工藝品，之後就去咗斜對面嘅一間朋友介紹嘅阿根廷餐廳食午餐。之前世界盃其中一則花邊新聞就係話阿根廷🇦🇷運咗900kg嘅肉比球隊食用，搞到我嗰排都日日想食asado！不過香港食阿根廷菜嘅餐廳唔多，同朋友傾開，佢就介紹呢間La Parrilla Steakhouse，餐廳喺大館附近，唔算難搵。Lunch性價比幾高，$198到$298任君選擇，已經有齊appetizer, main, side and drink！前菜我哋揀咗Empanada de Came Criolla同Melted Provolone Cheese。Empanada即係餡餅，每件均由大廚即叫即製，炸到金黃色酥香嘅外皮包住富香料味嘅免治牛肉、洋蔥，加上酸辣番椒番茄salsa。另一道前菜Melted Provolone Cheese就係配上烤麵包，鐵盤上嘅芝士烤至半融，味偏鹹香，配酒一流！Milanesa Napolitana就係酥炸牛扒上面再鋪上火腿、芝士同蕃茄，再擠少少檸檬汁，口感同味道都非當豐富，有炸物嘅香脆加上拉絲芝士同蕃茄嘅配味，不過炸牛扒就比較有咬口。重頭戲烤肉嚟啦！Rump Steak
之前世界盃其中一則花邊新聞就係話阿根廷🇦🇷運咗900kg嘅肉比球隊食用，搞到我嗰排都日日想食asado！不過香港食阿根廷菜嘅餐廳唔多，同朋友傾開，佢就介紹呢間La Parrilla Steakhouse，餐廳喺大館附近，唔算難搵。Lunch性價比幾高，$198到$298任君選擇，已經有齊appetizer, main, side and drink！
前菜我哋揀咗Empanada de Came Criolla同Melted Provolone Cheese。Empanada即係餡餅，每件均由大廚即叫即製，炸到金黃色酥香嘅外皮包住富香料味嘅免治牛肉、洋蔥，加上酸辣番椒番茄salsa。另一道前菜Melted Provolone Cheese就係配上烤麵包，鐵盤上嘅芝士烤至半融，味偏鹹香，配酒一流！
Melted Provolone Cheese
15 瀏覽
0 讚好
0 留言
Empanada de Came Criolla
22 瀏覽
0 讚好
0 留言
Milanesa Napolitana就係酥炸牛扒上面再鋪上火腿、芝士同蕃茄，再擠少少檸檬汁，口感同味道都非當豐富，有炸物嘅香脆加上拉絲芝士同蕃茄嘅配味，不過炸牛扒就比較有咬口。
Milanesa Napolitana
16 瀏覽
0 讚好
0 留言
重頭戲烤肉嚟啦！Rump Steak足足有350g好厚身，長盤一上枱即肉香四溢，推薦三成熟，外層烤到焦香內嫩，牛扒咬落juicy又有嚼勁，肉味濃！烤肉以鹽作簡單調味，可以根據自己口味配六款醬料，個人超推薦chimichurri醬，微酸又惹味，同烤肉超夾！
Rump Steak
17 瀏覽
0 讚好
0 留言
Sides今次就叫咗Garlic and Parsley Skinny Fries同Cajun Spiced Sweet Potato Fries，份量幾多，香脆可口！
Home Made Churros 外皮超脆內餡偏軟身，配以特製焦糖牛奶醬，又香又滑唔太膩，係會上癮嘅味道！
Dulce de Leche Alfajores就係傳統嘅夾心餅，鬆化餅乾入面夾有焦糖牛奶醬，配咖啡好正！
平時鐘意食南美菜、墨西哥菜嘅朋友不妨嚟試下同樣豪邁奔放又美味嘅阿根廷菜式！
張貼
