Babacio (已結業)

平時IG見好多人嚟打卡，佢都俾我bookmark咗好耐，今次咁啱去大館行下，見佢喺附近就試下啦🙈餐廳户外窗邊位可以望到大館，啱哂打卡，不過限聚令之下應該得兩個人先坐到窗邊位。我哋三個人每人叫咗一個set lunch ($188)，有沙拉Pizza同甜品(可以揀嘢飲)。今次試哂lunch set入面嘅三款pizza。.佢哋嘅pizza係薄身，但同平時嘅餅底有啲唔同，呢款係煙韌同無焗到乾嘅，但我個人會比較prefer餅底乾啲嘅，整體上係唔錯嘅。Tiramisu係我認為所有嘢入面最好食嘅一樣。非常creamy，咖啡味都濃，層次分明。.另外waiter waitress嘅服務都好好，收碟速度都好迅速。