Abbraccio

放假去大館行，係附近拉搵左間餐廳食。呢間餐廳有嘅戶外座位對正大館，可以一邊望住咁靚嘅古蹟食飯真係好chill😍午餐有4-course set, 有餐湯、沙律、pizza/意粉、甜品和飲品。是日餐湯係蕃茄湯，味道酸酸幾開胃，沙律落左橄欖油同醋都幾醒胃😋Pizza有6款，叫左Tonno口味，仲加大左10寸，pizza烤到底好脆，加左吞拿魚、番茄、意大利水牛芝士、香草同洋蔥，口感豐富，亦都比較少食到呢款口味。意粉揀左Polpettoni Pasta，係自家製安格斯牛肉丸配意大利蕃茄醬意粉，肉丸重牛味，口感比較結實，仲加入左香草調味。最黎仲有甜品，分別係意式奶凍配雜莓醬同Mini Tiramisu，兩款甜品都好食，唔會太甜，份量剛剛好。