友口馥 (已結業)

早喺英國睇到老闆娘嘅故事，已經好想試試佢嘅腸粉，以表達我嘅支持。今次返香港只有10日時間，友口馥係我嘅”must try list”上之一，非常期待！原來淨係腸粉都已經有好多選擇！ 我揀咗日本櫻花蝦腸粉加蛋。除咗腸粉、仲有粥、涼水、砵仔糕。。我試咗紫米砵仔糕同一支冰糖紅棗桃膠水。亞妹揀咗牛肉腸加菜脯、椰汁西米砵仔糕同桑寄生茶 腸粉係即叫即做，好新鮮，囗感好好！😋 因為醬汁係自己加嘅，所以可以調教出自己鍾意嘅味道。涼水方面甜度適中，唔會太甜，好好飲！😌 所以再買咗一支冰糖紅棗桃膠水同田七花水俾屋企人飲。砵仔糕都唔錯㗎，石磨的，好煙un 😋雖然座位不多，但坐得好舒服。下次返嚟再食過 😌P.S.”有長者咭人士可以減$4，老闆娘好有愛❤️”