影片
更多
2018-08-07
2525 瀏覽
呢間cafe一直都有所聽聞，相當人氣，一直未搵到機會到訪。最近得知佢地遷至長沙灣地鋪，馬上書籤了等假期去試試。新店位於美寧中心，附近食肆唔多，門面幾顯眼，估唔到真係咁受歡迎，烈日當空下都等左一陣先有位置，算好好彩，因為其他客人睇落都係入座不久。鋪面小，其實都係得四張枱，可容納嘅人可想而知，加上小店無限時，黎到都要有心理準備要等。裝潢簡約，一眼望哂，以綠色植物佈置，相信平日會更加舒適。畢竟有人在外等位，我都唔好意思佔座太耐餐牌供應少量輕食，例如沙律、貝殼粉、自家製麵包、素食等7款；飲品有冰滴、手沖咖啡、拿鐵、茶飲等，當然少不了招牌甜點，例如蛋卷、蛋糕、撻等，一律單點，價錢中上，慶幸佢地嘅出品挺有質素。可追蹤店家社交平台參考當日供應嘅甜點蛋糕款式，我心目中都有幾款想試的。煙三文魚水煮蛋配黑啤裸麥酸種包 $118幾款輕食配搭感覺都幾健康，而且見份量唔少，加上我地想食甜品為主，就決定只點一份，亦都足夠有餘。墊底羽衣甘藍、沙律菜，加有少量亞麻籽沙律醬，新鮮，調味唔多，配微鹹嘅煙三文魚很合適，而且有數大片。裸麥麵包紮實緊密，質地唔會太粗糙，而且有明顯麥香，加上煮到剛好嘅雞蛋，自我感覺食左份頗高級嘅
餐牌供應少量輕食，例如沙律、貝殼粉、自家製麵包、素食等7款；飲品有冰滴、手沖咖啡、拿鐵、茶飲等，當然少不了招牌甜點，例如蛋卷、蛋糕、撻等，一律單點，價錢中上，慶幸佢地嘅出品挺有質素。可追蹤店家社交平台參考當日供應嘅甜點蛋糕款式，我心目中都有幾款想試的。
煙三文魚水煮蛋配黑啤裸麥酸種包 $118
幾款輕食配搭感覺都幾健康，而且見份量唔少，加上我地想食甜品為主，就決定只點一份，亦都足夠有餘。墊底羽衣甘藍、沙律菜，加有少量亞麻籽沙律醬，新鮮，調味唔多，配微鹹嘅煙三文魚很合適，而且有數大片。裸麥麵包紮實緊密，質地唔會太粗糙，而且有明顯麥香，加上煮到剛好嘅雞蛋，自我感覺食左份頗高級嘅早餐。
煙三文魚水煮蛋配黑啤裸麥酸種包
$118
134 瀏覽
0 讚好
0 留言
比較期待嘅甜點部份，當日供應伯爵茶戚風、抹茶芝士餅、蛋卷、無花果撻等，亦有純素蛋糕，無蛋、無乳製品。幸好到訪時間尚早，大部份款式都有，特別係我想試嘅兩款都有。由於未見甜點餐牌，所以我都係大約50蚊/件
抹茶紫米芝士凍餅
估唔到紫米同蛋糕嘅配搭，又幾特別。芝士蛋糕本身係非常濃厚，軟滑不輕盈。抹茶味濃度高，有種甘澀，或者唔係人人受得了吧。我幾鐘意佢抹茶濃得黎唔影響芝士味。夾雜煙韌紫米口感獨特，餅底香氣十足，貨真價實
抹茶紫米芝士凍餅
59 瀏覽
1 讚好
0 留言
焙茶卷
焙茶卷並非厚切，比較薄身，蛋糕質地軟綿，忌廉量適中，而且焙茶味道明顯。係大眾都會鐘意嘅口味，只係價錢應該係我食過最貴的了。
焙茶卷
70 瀏覽
0 讚好
0 留言
Banana Latte $48
第一次試香蕉拿鐵，有點驚喜呢，香蕉奶酪佔整體大部份，蕉味香，但底層嘅濃郁咖啡都很讚，估唔到呢兩樣野可以配搭到
Banana Latte
$48
38 瀏覽
0 讚好
0 留言
整體而言，小店面積雖小，定價稍高，唔係走性價比嘅路線，但環境愜意，出品自家製，配搭有心思，值得一試。參考過不少過往嘅評價，有部份評價餐廳嘅服務，當日所見，年輕嘅店員都幾有禮。
張貼
