麥當勞

營業中

休息中

作為Minions既小fans，望住泰國麥當當出左Minions系列餐，心裡嫉妒恨呀。當一見到香港麥當當終於都出埋，內心非常激動，即刻衝左去嗌我bb番黎，不過期望越大，失望越大，望住個餐，完全印證呢句說話...包我就嗌左芝喳喳芥末雞堡，望住個包皮，已經想喊，完全冇minions bb係度既，但係其實都係我問題，原來得孖牛堡先有，自己冇睇清楚就嗌左。講返個包既味道，除左個芥末醬有少少驚喜，一啲都唔辣，仲鹹鹹地，幾搞笑之外，其他都唔特別，塊煙肉仲要硬到哽唔落，失望呀。最大既賣點，Minions樣既脆薯嘜，真係好QQ，好鍾意佢既造型，味道就麻麻，係炸左既薯蓉，不過實在太油，食一舊，隻手已經油到反光。另外一提，食左咁多次McDonald，特飲通常都唔會嗌，因為都係用濃縮果汁再加大量雪碧溝成，唔係真材實料。識飲一定會嗌奶昔，淨係加多$2.5，實在太抵。