Delish Kitchen by ALOT

營業中

休息中

餐廳面積夠晒大，枱同枱之間亦都有充足嘅位置，環境清幽，好適合一大班朋友去聚會。而且裝修用咗木系嘅風格，令到人好舒服同放鬆。💛是日餐湯是日餐湯係忌廉湯，入邊配有兩粒多士粒，因為浸咗湯，咬落去又脆又淋，口感十足。💛芝士澳洲和牛漢堡伴焦糖洋蔥個漢堡中間嘅配料有好多，令到個漢堡包脹卜卜，當中嘅和牛漢堡十分多汁，上面仲配有半溶嘅芝士同甜甜嘅洋蔥，十分配搭，唔會太膩。而且仲配有田園沙律同甜蕃薯條，配料十足。💛黑毛安格斯榖飼牛肉眼個肉眼夠晒厚身，唔會過熟，而且肉汁豐富，煎得好好，配埋少量嘅醬汁，醬汁唔會蓋過肉嘅味道。再配埋炒椰菜同薯蓉，個薯蓉好細滑，入口即溶。💛紫菜芝士甜番薯條配黑松露醬好少餐廳會有甜番薯條，難得呢度有梗係要叫啦！番薯條粗度適中，炸到外脆內軟，表面配有鹹鹹既芝士分，蘸埋黑松露醬，咬落去又有黑松露嘅味道，亦都有番薯嘅甜味。💛65% Iced Chocolate 朱古力濃度充足，唔會話好甜，不過飲嘅時候冇攪勻，飲到底充滿着朱古力。