牛陣 (已結業)

今日食牛陣食到火都0黎埋！話說結完婚，請一班姊妹去牛陣食飯慰勞。之前幫襯過尖沙咀isquare牛陣都ok，今次諗住近近地太子食。任食自助火鍋，168 0個個豉油湯底+安格斯牛肉，入去前侍應講過食個半鐘。一路食都無咩，過左45分鐘多dd侍應已經走埋0黎話last order，我話︰「仲未過一小時喎！」(我入去有睇時間)佢話係循例問下。然後，又過左一陣，侍應又0黎提醒話夠個半鐘要走，唔係要加錢，但頭先last order0既食物先剛剛上，我話可唔可以食埋枱面0既先，而且真係仲未夠鐘！(頭時已經有d嬲！)佢叫我埋住單先，我話ok。埋單之後，第二個侍應直情走埋0黎問我0地食完未，話我0地已經夠鐘，態度極之惡劣！我d姊妹叫︰「算啦！走啦！」我都未話走，個侍應見到我朋友同我咁講二話不說已經收左個煲，仲張成枱0既食物一碟碟咁收走！我當時真係嬲到飛起！連我d朋友都覺得好詑異！因為我0地坐得比較入，睇唔到門口有幾多人，以為出到門口會有人等緊啦！原來根本無人等！0個時亦只係9:15根本未夠鐘關門，唔明白點解要咁急收0野！白白遭受咁0既待遇，真係好嬲，仲要一d都唔平0家！食左九百幾蚊0家！