Mad for Garlic (已結業)

早幾日收工經過奥海城，見到呢間Mad for Garlic🧄, 比佢個”Garlic”吸引左，以蒜為主題嘅餐廳真係好少見！見佢餐牌入面大部分都係用蒜頭菜式為主，都好吸引！我同朋友諗都無諗就入左去試！鋪面乾淨企理。落單無耐，店員就送上兩塊蒜蓉包，每客客人都會有嘅，食落都脆，不過熱d就好啦！小食點左個Garlic Tower同頭先食個兩塊唔同，一大條未切嘅法包上面堆左一個由蒜蓉堆成嘅尖頂，由店員切開將啲蒜塞曬入個包到！好香蒜蓉味同熱辣辣，好香口！主食方面，叫左一個店員推介嘅藍芝士蜜糖薄餅同埋蒜片辣椒銀魚柳炒意粉。Pizza嘅芝士味勁香，蜂蜜係另外一個碗上自己搽上去，可以自己調教甜度，唔鍾意食甜嘅可以唔加都得。Pizza底唔會好厚，厚度啱啱好，兩個人食一個都唔會多，仲可以食其他嘢！意粉店員一早頂咗我哋會好辣我地平時都算叫食得辣，都食到係咁飲水！但加埋脆脆蒜蓉片真係好惹味！最後嗌咗個甜品糖漬蒜香蕉朱古力薄餅配自家製嘅雲呢拿雪糕。由於個薄餅一樣唔係好厚，兩個人食兩個薄餠都仲食得落，個邊好脆！朱古力醬係Nutella，同香蕉簡直係絕配！雲呢拿雪糕亦都好好食，同平時食嘅唔同！呢間餐廳一定會再返嚟食，