影片
更多
2022-02-16
518 瀏覽
唔知大家鍾唔鍾意食曲奇？香港嘅曲奇已經唔係好似藍罐嗰啲咁一細塊、咬落去好脆好鬆化，因為而家有好多網店都賣曲奇，我都已經食過唔少曲奇，今次呢間其實之前已經介紹過，今次介紹佢嘅招牌同埋其他新曲奇。Twinkie Cookies係一間本地主打手工製作麻糬曲奇既網店，係香港餅房 Twinkle Garden既副線，不斷研發創新又好食既曲奇以滿足顧客味蕾。店舖嘅招牌係佢哋喺香港首創嘅流心麻糬曲奇，鍾意麻糬既大家一定要試。網店最近係朗豪坊開咗實體店，位置非常方便啱晒鍾意曲奇既你。朗豪坊店店舖一眼睇哂玻璃櫃入面所有曲奇，曲奇分為3種，有麻糬曲奇、曲奇三文治同普通曲奇。麻糬曲奇係三個當中最多人買，因為喺店舖嘅招牌，但為左保持最好口質買完需要即日食。Cookie款式會每個星期轉一轉，可以係官方IG上睇到。另外除咗曲奇仲有提供焙茶、抹茶latte、蛋糕，呢間新分店仲有新推出嘅麻糬冬甩。Twinkie Cookies今年新年推出左虎年賀年禮盒，除咗有上年熱賣嘅杏仁片，仲有好多新口味嘅產品，當中有 禮盒都非常有新年嘅感覺，送禮唔會失禮，而且唔會太大盒，非常易攜帶，食完仲可以變收納盒。-🧧 虎年賀年禮盒 💰/2
Twinkie Cookies係一間本地主打手工製作麻糬曲奇既網店，係香港餅房 Twinkle Garden既副線，不斷研發創新又好食既曲奇以滿足顧客味蕾。店舖嘅招牌係佢哋喺香港首創嘅流心麻糬曲奇，鍾意麻糬既大家一定要試。
網店最近係朗豪坊開咗實體店，位置非常方便啱晒鍾意曲奇既你。
朗豪坊店店舖一眼睇哂玻璃櫃入面所有曲奇，曲奇分為3種，有麻糬曲奇、曲奇三文治同普通曲奇。麻糬曲奇係三個當中最多人買，因為喺店舖嘅招牌，但為左保持最好口質買完需要即日食。Cookie款式會每個星期轉一轉，可以係官方IG上睇到。另外除咗曲奇仲有提供焙茶、抹茶latte、蛋糕，呢間新分店仲有新推出嘅麻糬冬甩。
Twinkie Cookies今年新年推出左虎年賀年禮盒，除咗有上年熱賣嘅杏仁片，仲有好多新口味嘅產品，當中有 禮盒都非常有新年嘅感覺，送禮唔會失禮，而且唔會太大盒，非常易攜帶，食完仲可以變收納盒。
-
🧧 虎年賀年禮盒 💰/258（早鳥）
虎年賀年禮盒
$288
8 瀏覽
1 讚好
0 留言
1️⃣ 古早味花生酥 3塊 （👅: 8/10）
花生酥都算厚身，咬落去係超級酥脆，花生酥會喺個口慢慢溶化，一咬落去嘅同時即刻碎開咗，所以建議大家攞個盒裝住啲花生碎。食落去花生嘅味道非常濃郁，本身依排想食花生糖，不過呢一個已經滿足到我，因為佢冇花生糖咁硬咁痴牙。
-
2️⃣ 抹茶柚子蜜柑曲奇 3塊（👅: 7.5/10）
呢款曲奇外層係用上日本若竹抹茶，而入面少少流心嘅內餡係自家製、天然製造嘅柚子蜜柑醬，係同么鳳士多合作嘅曲奇。
未咬到入邊嘅餡之前，首先係食到抹茶嘅香味，唔會太重，之後隔咗1秒就會食到內餡嘅柚子蜜柑味，味道非常突出，甚至會蓋過一開始嘅抹茶味，好似飲緊柚子蜜咁，食落去酸酸甜甜，夠清新，仲會食到粒粒蜜柑果肉，因為內餡主要集中喺中間，如果想食到抹茶味可以試吓邊位，我自己就想抹茶味可以更突出。
-
3️⃣ 手工杏仁片 1包（👅: 8/10）
手工杏仁片有成十幾塊，圍繞着曲奇邊擺滿左，夠博身，咬落去首先係有少少脆，之後係比較煙韌嘅口感，食落去杏仁味道突出，係我鍾意嘅杏仁味，而且唔會太甜太膩。
-
4️⃣ 芝麻南瓜籽杏仁Florentine 3片（👅: 7.5/10）
呢塊杏仁片雖然係兩層不過薄身，好輕易就可以咬開佢，成塊都係用芝麻、南瓜籽同杏仁製成，咬落去一啲都唔硬，三姐口感結合，口感非常豐富，食落去每一啖都係濃郁嘅堅果香味，絕對係真材實料。
-
5️⃣ 抹茶玄米脆皮麻糬波波 3粒（👅: 7.5/10）
呢個麻糬波波咬落去上面少少脆身，下邊比較硬身一啲，口感偏軟糯，食落去抹茶嘅香味濃郁，不過唔會太甜。
-
6️⃣ 黑芝麻脆皮麻糬波波 3粒（👅: 7.5/10）
呢個麻糬波波嘅芝麻香味突出，啱晒鍾意芝麻嘅人，芝麻味突出不過唔會太甜。
-
1️⃣ Matcha Lava Mochi Cookie 💰44（👅: 8.5/10）
Matcha Lava Mochi Cookie
$44
18 瀏覽
1 讚好
0 留言
呢個抹茶麻糬曲奇喺呢度嘅招牌，而且係全港首創嘅麻糬曲奇，如果大家鍾意抹茶同麻糬係必食。
曲奇係美式杏仁軟曲奇，夠大塊夠厚，所以咬落去係軟熟而唔係鬆化，如果大家想食鬆化應該要食返藍罐曲奇，曲奇食得出係手工造，入面嘅麻糬咬落去夠軟糯微黏，煙煙韌韌，不過一定要即日食先有呢個口感，店舖都堅持呢一款曲奇係唔過夜，每日新鮮製造，軟身曲奇再加麻糬口感非常豐富。
抹茶用上日本小山園若竹抹茶粉，食落去入邊嘅抹茶醬極度流心，流心到要滴出嚟，一路食一路流出黎，茶味醇厚濃郁，唔會有苦澀味，帶有小小回甘，整體唔算太甜，所以食落唔覺得好膩，價錢略貴，不過一塊咁足料可以一試。
-
2️⃣ Opera Cookie Sandwich 💰45（👅: 7.5/10）
Opera Cookie Sandwich
$45
13 瀏覽
1 讚好
0 留言
曲奇咬落去係比較軟身，而忌廉夠綿，入口順滑，口感上有層次感，食落去朱古力味道濃郁，帶少少咖啡味，味道上係偏甜，會有少少膩，如果同人share會好啲。
-
3️⃣ Rum Raisin Mochi Donut 💰40（👅: 7.5/10）
Rum Raisin Mochi Donut
$40
2 瀏覽
1 讚好
0 留言
冬甩咬落去係偏硬身，麻糬咬落去一樣煙韌，食落去朱古力味道濃郁，但唔會太甜，提子方面係用自家浸嘅提子，令到口感更加豐富，而且為冬甩帶來一啲甜味。
-
🌟食過幾次呢間網店嘅曲奇嘅我，覺得最好食、最有驚喜都係麻糬系列，因為無論口感同味道都相對新奇，唔係平時你會食到曲奇口感，而曲奇同埋曲奇三文治咬落鬆軟，口感豐富，味道款式都幾多，緊有一款啱你口味，再加上實體店位置方便，要食隨時都可以買到。
新年禮盒喺17/1請訂購仲有早鳥九折優惠，而取貨日期由15/1到13/2，喺銅鑼灣、旺角分店或者荔枝角都可以取貨，方便仲未訂新年禮盒既大家，另外佢哋都有新年特別推出嘅新曲奇口味可以一試，如果未食過呢間曲奇可以試吓佢哋最招牌嘅抹茶麻糬曲奇。
-
👅味道: 8/10
🍴環境: 7/10
💰消費: $125 (服務費: NA)
張貼
