影片
更多
2011-12-20
9 瀏覽
個股市嘅成交得番 4、5 百億。既然買賣兩閒，不如唔講股, 去講飲講食！買咗本法嘅 lunch 團購。"本法"個名聽起厘幾得意，原來係"日本"同"法國"菜 fusion 咁解，而餐廳嘅設計就係日式，頗為整齊明亮。但係本法俾我嘅好感，好快就變成失望喇 :1. 食品份量縮晒水 : 湯, 沙律, 同埋牛扒都係縮水嘅份量！湯與沙律祇有市面正常份量嘅一半左右, 牛扒就細咗約三份一。 如果與本法嘅團購網照片比較, 你會講, 離晒譜, 差天共地。2. 貨不對板 : 個湯唔係團購網餐單上講嘅忌廉南瓜湯, 而係一個淡而無味嘅透明清湯, 淡到呢, 我冇辦法飲得出係乜嘢湯。3. 味度方面 : 牛扒嘅味度係 OK，有炭燒味，但個湯就淡到冇味，而甜品就淨係得個甜字，唔覺有奶嘅味！ 4. 服務方面都幾離譜 : 當日一位中年女侍應, 帶我去一張己經坐咗 3 個人嘅 4 人枱, 跟住我發現(計埋我在內)果張 4 人枱竟然同時坐咗 3 group 客。第一 group 係一男一女, 第 二 group 係一位小姐, 第 3 group 就係我啦。而喱 3 group 客都係團購客！咁我就知發生緊乜嘢事啦, 本法當 D
買咗本法嘅 lunch 團購。"本法"個名聽起厘幾得意，原來係"日本"同"法國"菜 fusion 咁解，而餐廳嘅設計就係日式，頗為整齊明亮。
但係本法俾我嘅好感，好快就變成失望喇 :
1. 食品份量縮晒水 : 湯, 沙律, 同埋牛扒都係縮水嘅份量！湯與沙律祇有市面正常份量嘅一半左右, 牛扒就細咗約三份一。 如果與本法嘅團購網照片比較, 你會講, 離晒譜, 差天共地。
2. 貨不對板 : 個湯唔係團購網餐單上講嘅忌廉南瓜湯, 而係一個淡而無味嘅透明清湯, 淡到呢, 我冇辦法飲得出係乜嘢湯。
3. 味度方面 : 牛扒嘅味度係 OK，有炭燒味，但個湯就淡到冇味，而甜品就淨係得個甜字，唔覺有奶嘅味！
4. 服務方面都幾離譜 : 當日一位中年女侍應, 帶我去一張己經坐咗 3 個人嘅 4 人枱, 跟住我發現(計埋我在內)果張 4 人枱竟然同時坐咗 3 group 客。第一 group 係一男一女, 第 二 group 係一位小姐, 第 3 group 就係我啦。而喱 3 group 客都係團購客！咁我就知發生緊乜嘢事啦, 本法當 D 團購客係二等公民, 將 3 批互不相識嘅客迫埋坐滿一張 4 人枱。而當日整個午餐時間, 佢有 30% 以上嘅枱係冇客嘅吉枱。
團購嘅目的係等同廣告, 招徠新客, 本法如此對待 D 團購客, 佢地以後仲會唔會幫襯你呢？本法咁樣攪呢個團購, 結果係 : 英文叫 defeating the purpose; 中文叫 弄巧反拙。無論中文定英文, 背後嘅意思都係 "白費工夫" 咁解囉!
今次食評嘅結論就係 :
a. 食品份量縮水兼且個湯貨不對板 。
b. 本法嘅團購網照片, 靠唔住, 並冇參考價值。
c. 將團購客當作二等公民, 咁嘅做法係 defeating the purpose, 弄巧反拙, 真係白費工夫！
張貼