影片
更多
2010-12-28
12 瀏覽
10月5日, 錯叫咗一輪墨西哥野之後, 當然食唔飽啦, 周圍又去搵甜品食~ 想起好耐之前經過一間專整朱古力甜品嘅小店, 今次特登走去試下, 原來改咗名, 由chocolux變成chocoholic, 食嘅野都係朱古力甜品為主~ 可能太早, 一個人都冇, 入面只有一個女侍應, 應該都一腳踢做晒所有野~::: Chocolate Banana Crepe ::: $53法式班戟雖然都幾普通, 不過想知道佢加咗招牌嘅朱古力會變到點樣~ 首先店舖仲未有其他人, 當然即叫即整啦, 聽到個女侍應煎crepe嘅聲音, 又聞到好香嘅蛋味, 唔錯~ 嚟到嘅賣相都唔錯wor, crepe煎得少燶, 再加上朱古力粉都叫有下心思~ 一切開已感受到佢嘅香脆, 一咬落更加係卜卜聲~ 好脆呀, 好少可有食到咁脆嘅crepe, 通常都係一pat淋嘅蛋餅, 不過呢個厚度適中得嚟又香脆又有豐富蛋味~ 再試中間嘅朱古力香蕉, 朱古力味超香濃! 不愧為招牌貨, creamy嘅朱古力加上香脆嘅蛋餅配合真太好~ 個樣仲有d似中式嘅豆沙鍋餅添~::: Ice Chocolate ::: $58亦都係signature house
::: Chocolate Banana Crepe ::: $53
法式班戟雖然都幾普通, 不過想知道佢加咗招牌嘅朱古力會變到點樣~ 首先店舖仲未有其他人, 當然即叫即整啦, 聽到個女侍應煎crepe嘅聲音, 又聞到好香嘅蛋味, 唔錯~ 嚟到嘅賣相都唔錯wor, crepe煎得少燶, 再加上朱古力粉都叫有下心思~ 一切開已感受到佢嘅香脆, 一咬落更加係卜卜聲~ 好脆呀, 好少可有食到咁脆嘅crepe, 通常都係一pat淋嘅蛋餅, 不過呢個厚度適中得嚟又香脆又有豐富蛋味~ 再試中間嘅朱古力香蕉, 朱古力味超香濃! 不愧為招牌貨, creamy嘅朱古力加上香脆嘅蛋餅配合真太好~ 個樣仲有d似中式嘅豆沙鍋餅添~
::: Ice Chocolate ::: $58
亦都係signature house drink嘅Ice Chocolate~ 非常非常think!!! 而且好香滑~ 味道似超濃郁嘅朱古力奶多d~ 間中仲會飲到沙沙地嘅朱古力粉咁嘅野~ 真係好好飲! 飲品都可以變甜品! 不過成$60杯真係有d貴貴地…
未到甜品時間, 我地霸晒成間店真係舒服~ 環境優雅加上燈光暗淡, 人少嘅時候坐低傾下計唔錯架~ 但係座位略為有d迫, 枱與枱之間空間唔算多~ 本身其實價錢唔算平, 不過有此水準, 尤其好朱古力嘅我, 有機會都會再嚟過~
張貼
