杉玉 (香港仔中心2期)

假日都有午餐，不過選擇不多，但仍然好多人，好彩好多卡位，所以都坐得好舒服，夜晚食過一次質素唔錯，所以今次帶阿sir嚟試，佢話好味好抵，下星期要再encore。🥢杉玉御膳 $148 ⭐️⭐️⭐️⭐️柚子蘿蔔+荀／薑薯仔沙律／玉子／刺身四款／天婦羅／壽司五件／蒸蛋因為個蒸蛋所以叫咗呢個餐，不過凍咗先食就變得唔好食，基本上所有食物都好食，最出色係天婦羅，沙嘴魚、魷魚、番薯、茄子，夠熱辣香脆又唔會厚粉，其他就正常發揮，每日限定20份喎。🥢舟盛丼 $128 ⭐️⭐️⭐️⭐️寫呢篇食評嘅時候，呢個丼我已經響灣仔店又食多一次，因為呢個丼好抵食，不過呢唔知點解香港仔店同灣仔店嘅刺身數量會有出入，明明種類係一樣嘅。不過最正係有好多魚子，同埋厚切刺身，全部都好新鮮，限量20份仲唔搶咩！二人共消費：$304