King's & Queen's 冰室 (已結業)

作為港島人，平日真係絕少會嚟烏溪沙呢邊搵食，趁今日港鐵有半價乘車優惠，專登過嚟行下。上網 Search 到泥涌村呢間「King's & Queen's 冰室」，據說餐廳係由名廚主理，食物堅持唔落味精，令人食得健康又放心，就一於試下。餐廳開設於一幢村屋地下，店舖佔地甚廣，設有室內用餐區同露天茶座。室內裝潢亮麗，場內設有唔少打卡位，尤其是係嗰幅天使翅膀壁畫，俘虜無數食客心。我哋點咗幾款小菜，先嚐咸香黃金蝦球 ($128)  蝦球脹卜卜，每隻都均勻地沾滿咸蛋黃脆漿。蝦肉挺身爽彈，蛋黃油香十足，食落有起沙口感，每一啖都有香濃咸蛋味，邪惡度爆燈。啫啫滑雞煲 ($88)，雞煲熱辣辣，上檯時仍吱吱作響。雞件份量十足，食落肉質好嫩滑，配料有豬潤、洋蔥、冬菇同原粒乾蔥，加埋濃香惹味嘅醬汁，佐飯一流！豉汁蒸大鱔 ($128)  大鱔件件都好厚肉，入口爽脆有彈性，豉汁味好香濃，加上每件都用咗豆腐嚟墊底，豆腐嫩滑又有豆香，同大鱔好夾，啖啖肉又冇骨。西蘭花炒鮮魷 ($98)  西蘭花翠綠爽甜，魷魚好新鮮，多汁煙韌，食落爽滑彈牙，加上大廚功夫一流，炒得好有鑊氣，充滿大排檔風味。另外我哋仲點咗白飯，原來呢度嘅白飯係