極尚大喜屋 (銅鑼灣廣場一期)

營業中

休息中

紀念日去咗銅鑼灣食日式放題，呢間勝在款式夠多，定價親民，而且地點超級方便。刺身、壽司、一品料理、炸物、燒物、串燒，仲可以無限暢飲清酒、燒酒同梅酒～ 想回本嘅一定會狂點刺身，食落幾新鮮，而且無漏單情況，只怕大家食唔飽😂 見每枱都一大盤咁叫就聲明有質素。壽司、火灸同手卷都值得一試，飯唔會好大，細細件可以食多幾款。一品料理反而有驚喜，花雕醉鮑魚、瑤柱扒豆苗、海參花膠、牛油蘆筍炒脆肉鯇，唔講唔知以為去咗酒樓～ 個人喜歡黃金軟殼蟹同雪燕蛋白燉鮮奶，前者炸至酥脆，後者入口滑溜，讚。炸物、天婦羅同燒物就正常發揮，可能係即叫即整，所以需要等候一段時間，鍾意食榴槤嘅呢度都有燒金枕頭🔥 唔夠飽嘅可以食埋煮物，推鮑魚皇帝蟹黃粥同龍蝦湯海鮮鍋。自助區更有多款美食，由前菜到甜品，印象深刻嘅有芝士西蘭花、紅豆沙、楊枝甘露、珍珠奶茶、芝士蛋糕、自家製，值得留肚試。最後以雪糕作結，有häagen-dazs同其他品牌，算係咁。