Le Viet (已結業)

雖然冇去過東南亞地方,唔知正宗東南亞美食有幾好味，但呢間水準唔錯有一再有二。 前後去咗三次，最喜歡食佢嘅串燒拼辣豆角炒飯，第二次同朋友去食叫左個拼盤，拼盤超抵 超好味😋 今次再一次自己去食叫咗個海鮮炒河粉但係有少少失望，冇乜味道。若然要相機食先賣相一定唔ok。飲品之前試過青檸梳打、咸柑桔梳打但唔建議叫，除非你好鍾意飲梳打水因為點拮啲檸檬都出唔到味。可惜每次都係自己一個人，食唔到太多嘢！如果唔係真係好想叫佢啲甜品，見佢餐牌上面啲甜品相好吸引😍最後見到前面枱上咗個菠蘿炒飯，超大超靚，下次就試下啦！