影片
更多
2024-10-16
635 瀏覽
在將軍澳坑口重華路8號東港城1樓112號舖開了一間充满中國風情嘅新食店，叫農耕記湖南土菜，這品牌大有來頭，在香港、廣東、北京、上海、新加坡、馬來西亞直營門店超過100間，除了此將軍澳新店，九龍佐敦新寶廣場、北角嘉威大廈、黄大仙中心和紅磡黄埔天地都有分店。為慶祝此店開業，店提供好吸引的優惠，試營業期間菜品8.8拆，真係好抵食，所以吸引咁多人來排隊試新店食品，仲有7月19日就會正式開業，有3天5折優惠，一定仲多人來食。農耕記還有周邊攻略免費領取，福利一註冊會員掃碼免費領取$50菜金卷，福利二掃碼加入首群送$500券包埋訂製團扇，不過係先到先得，送完即止。店內嘅裝修好有鄉村特色，亦有紅燈籠高高掛，好有氣派，店內環境寬敞舒適，令人坐得吃得舒服，店員服有禮貌，服務態度好，這間食店出品係湖南土菜，用原生態好食材，尤其是跑山土雞係養足150日，現炒有鑊氣有特色，有辣有唔辣味道，好值得來食。鮑魚辣椒炒肉這道菜結合咗鮑魚仔、青椒同豬肉，炮製出一道好特別嘅菜式，而且份量都好多，每一口都食到鮑魚，菜色鮮艷，鮑魚仔細細粒鮮美夠彈牙，白木耳爽脆，青椒味道好香微辣，土豬肉有嫩味肉味，豬肉炒時吸晒啲椒香同埋海鮮鮑魚
在將軍澳坑口重華路8號東港城1樓112號舖開了一間充满中國風情嘅新食店，叫農耕記湖南土菜，這品牌大有來頭，在香港、廣東、北京、上海、新加坡、馬來西亞直營門店超過100間，除了此將軍澳新店，九龍佐敦新寶廣場、北角嘉威大廈、黄大仙中心和紅磡黄埔天地都有分店。
為慶祝此店開業，店提供好吸引的優惠，試營業期間菜品8.8拆，真係好抵食，所以吸引咁多人來排隊試新店食品，仲有7月19日就會正式開業，有3天5折優惠，一定仲多人來食。農耕記還有周邊攻略免費領取，福利一註冊會員掃碼免費領取$50菜金卷，福利二掃碼加入首群送$500券包埋訂製團扇，不過係先到先得，送完即止。
店內嘅裝修好有鄉村特色，亦有紅燈籠高高掛，好有氣派，店內環境寬敞舒適，令人坐得吃得舒服，店員服有禮貌，服務態度好，這間食店出品係湖南土菜，用原生態好食材，尤其是跑山土雞係養足150日，現炒有鑊氣有特色，有辣有唔辣味道，好值得來食。
鮑魚辣椒炒肉
這道菜結合咗鮑魚仔、青椒同豬肉，炮製出一道好特別嘅菜式，而且份量都好多，每一口都食到鮑魚，菜色鮮艷，鮑魚仔細細粒鮮美夠彈牙，白木耳爽脆，青椒味道好香微辣，土豬肉有嫩味肉味，豬肉炒時吸晒啲椒香同埋海鮮鮑魚嘅鮮味，好配合食飯。
蒜蓉粉絲蝦仁
蒜蓉粉絲蝦仁岩香港人味道，唔辣清清地，煲菜送來先淋上醬油落煲內，用沙漏斗計時，在桌上焗6分鐘加熱，香氣慢慢滲出，煲底有個火爐燒住，夠時間就打開蓋，一打開個蓋，熱辣辣，香味俱全 ，好多蒜蓉喺啲蝦仁上面，蝦仁鮮甜彈牙，每隻都好大隻，撈埋粉絲食味道更佳更鮮，而粉絲嘅口感亦都非常滑溜，吸滿咗醬汁。
經典酸菜鱸魚
經典酸菜鱸魚好大盆，鱸魚片煮得啱啱好，有好多片，份量好足夠，魚肉非常嫩滑，有鮮味又完全冇腥味，酸菜嘅酸味帶點微辣，令到呢道菜嘅味道層次豐富，酸酸辣辣，非常開胃。除咗有酸菜仲有金菇、黃芽白、彈牙薯粉等，而湯底方面，有魚嘅鹹鮮香，夠香夠濃。
家常炒絲瓜
家常炒絲瓜採用湖南攸縣白玉絲瓜，又鮮又甜又健康，絲瓜的清脆口感和食店獨特的炒製手法令這道菜格外出色。
鹹蛋黃燒賣
鹹蛋黃燒賣入面全是糯米，感覺新鮮，上枱時夠香熱滑，最好食仲有隻鹹蛋黃，好味過食白飯。
香水檸檬茶
香水檸檬茶超大杯，有1公升，茶味道清新酸甜，飲落去非常解辣解喝，亦非常適合用嚟消暑。
這間湖南土菜店好值得推薦俾大家，食物好食抵食，價錢又唔貴，食店又令你坐得舒服，店員服務態度又好，我哋下次一定又再來食。
張貼
