宴 尖沙咀

湯底係由醬油湯同豬骨湯嘅拼鍋，兩種湯都各有特色。醬油湯鹹香美味，仲隱約帶點鮮甜味，任何食物落去都好好食；而豬骨湯味道濃郁，散發住濃厚嘅豬肉香味，配埋和牛一齊食更加一流。呢度最出名嘅莫過於任食松葉蟹。松葉蟹係頂級嘅螃蟹之一，佢嘅特色係蟹膏口感實淨，味道又特別嘅鮮甜，飽滿嘅蟹肉，食咗一啖就會上癮，完全停唔到口。仲有呢度嘅三點刺身拼盤，味道好新鮮，帶有淡淡嘅海水味，食落去清甜可口，口感又好柔軟，唔使點樣咀嚼，又唔會好腥，好好食。時令野菜拼盤係鍾意食菜嘅朋友仔必拎嘅食物，除咗刺身，呢度嘅菜都非常之新鮮，係經過嚴選出嚟，煮熟咗之後口感同味道都好好，食落去會有清爽嘅感覺，仲可以解膩。特上宮崎和牛係呢度嘅顧客鍾意嘅肉類之一，和牛色澤鮮艷靚仔，煮熟咗之後更加係香味四溢，食落去有入口即化嘅感覺，冇牛肉嘅腥味，唔鍾意食牛肉嘅人都會愛上嘅味道。仲有就係日本豚肉，比起其他豚肉，日本豚肉更加鮮嫩嘅口感，食落去更加嘅美味。