影片
更多
2015-12-08
10242 瀏覽
基於食物質素唯有俾ok食評啦, 但監於自助餐的安排, 其實係想俾負評!從沒有試過一個自助餐係咁繁忙,唔係員工繁忙,係食客都好繁忙,極不享受!!因好朋友生日而預先一個月book左Mr. Steak, 生日當天預早十分鐘到達現場, 但由於未踏正用餐時間19:30, 所以未能安排入場。而用餐當日係閒日,但仍出現full booking, 相信質素應該可以,才會人潮擁擁吧?!場內環境亦不錯, 頗為寬敞,感覺都幾舒適~第一個印象係好好呀!點知…用餐時間一開始…感覺已經不良好, 人群四面八方擁去冷盤位置, 當然熟食地帶就變得好冷清,只有小貓三四隻, 而首輪取餐要排隊都好正常!排隊拎生蠔的人群最驚嚇, 排一排隊便會消去你15至20分鐘或以上的時間, 而每一次每人只可以取得3隻生蠔! 的確, 生蠔係即場生開, 保証新鮮, 而且味道好好! 但每次都要用咁多時間去排隊, 而自助餐時間由19:30至10:30…三個鐘可以食到幾多隻?如果剩係去排生蠔,咁其他食物根本拎唔到, 所以我亦只排了兩次。開生蠔及洗生蠔的只有兩名員工! 呢個安排已經好有問題!!唔怪得條人龍排得咁慢, 員工慢慢開、慢慢沖洗、人龍就慢慢行…
基於食物質素唯有俾ok食評啦, 但監於自助餐的安排, 其實係想俾負評!從沒有試過一個自助餐係咁繁忙,唔係員工繁忙,係食客都好繁忙,極不享受!!
因好朋友生日而預先一個月book左Mr. Steak, 生日當天預早十分鐘到達現場, 但由於未踏正用餐時間19:30, 所以未能安排入場。而用餐當日係閒日,但仍出現full booking, 相信質素應該可以,才會人潮擁擁吧?!
場內環境亦不錯, 頗為寬敞,感覺都幾舒適~第一個印象係好好呀!
點知…用餐時間一開始…感覺已經不良好, 人群四面八方擁去冷盤位置, 當然熟食地帶就變得好冷清,只有小貓三四隻, 而首輪取餐要排隊都好正常!
排隊拎生蠔的人群最驚嚇, 排一排隊便會消去你15至20分鐘或以上的時間, 而每一次每人只可以取得3隻生蠔! 的確, 生蠔係即場生開, 保証新鮮, 而且味道好好! 但每次都要用咁多時間去排隊, 而自助餐時間由19:30至10:30…三個鐘可以食到幾多隻?如果剩係去排生蠔,咁其他食物根本拎唔到, 所以我亦只排了兩次。開生蠔及洗生蠔的只有兩名員工! 呢個安排已經好有問題!!唔怪得條人龍排得咁慢, 員工慢慢開、慢慢沖洗、人龍就慢慢行…相信呢個都係餐廳策略之一, 明明可以多安排兩名員工來處理呢一部份, 但應該係為了成本問題, 而必須令客人久候!
另一冷盤蟹腳, 頭一輪都多人排, 排了8分鐘左右, 頭一次擺出來的蟹腳比較過後期的, size的確大隻好多、震撼好多, 之後都變成普通貨, 所以中段已再無人問津。而味道上咸了少少, 但仍食到鮮甜, 味道算唔錯。
再到剌身類, 係繼生蠔之後, 另一多人排的冷盤! 總類唔多, 三文魚及其他魚刺身都ok,普普通通, 最出色的都係個帶子刺身, 雖然size細細但味道鮮甜,值得再試。
其間有一個限時推出~甜蝦海膽…全名都唔記得係叫乜, 但其實一啲特別都冇,個名就改得幾吸引…印象中。但實物卻不外如是, 去食日式放題啲質素都好過佢, 甜蝦好細隻, 嗰一點海膽…好失禮, 沽寒得好可憐…味道?一般,唔值得去排隊囉! 可笑的限時推出!而且供應量不足, 根本供應唔到每人一份!多餘的。
更可笑的是, 可能呢度有限時推出食品, 5分鐘後另一邊又一款限時食品, 但每個限時食品都有人龍, 而當你剛好排完呢條人龍, 另外人龍食品亦剛好派完, 所以其實只可以二選一。如果兩個人去用餐, 大概只可以一個人坐著看守手袋, 另一人去排隊,而每人限取一份……即朋友拎返嚟的食物都要share一半, 大閘蟹都仲可以分一半,一隻甜蝦一隻細鮑魚仔又點分?最搞笑係有客人投訴排隊得到嘅大閘蟹係臭的…唯有下次請早吧!仲有一個限時推出的片皮鴨…質素認真麻麻! 肉唔夠片得薄而且肉質偏老, 配料又唔夠香, 吸引何在?
每到一款限時推出都會人頭擁擁, 個場好似好熱鬧咁…但sorry!唔係每個人都鐘意去排隊,同人爭同人搶,而我們只想輕鬆去享受一個悠閒的自助晚餐!
所以, 其實每一邊響起限時供應啷啷聲, 就會見到一大班人由左跑到右,再由右跑到左, 正所謂”執輸行頭慘過敗家”! 但搶到手的食物質素其實味道只屬一般…相當可笑囉!
餐廳仲有個心意流心蛋糕, 可以叫師傅寫上自己心意送俾朋友, 呢個算係最有心思的唯一可取之處。
甜品欄好似選擇都幾多, 但稱得上好食只有牛乳布丁,其他睇下就算~
至於回頭指數就一定係零啦！排隊時間多過食野！
張貼
