影片
更多
2019-01-14
312 瀏覽
今晚同朋友食慶功飯，因為朋友完左一單大Project，佢就問我有無邊間餐廳之前食過覺得好正可以再介紹比佢，我諗左一諗，然後就同佢講左呢間位於海港城海運果邊既餐廳 羲和雅苑。羲和雅苑呢間北京菜餐廳算係我腦海中一直有佔據一個位置，因為對於鍾意食北京鴨既人黎講，呢到真係一間唔錯既餐廳。餐廳環境:呢間餐廳其實位置唔錯，雖然行入去真係有小小遠，不過係你食飯既過程中會望到海架，有海景睇之餘仲有咁多美食，其實係幾chill。餐廳內既環境好唔錯，都算坐得舒服，枱與枱之間亦唔會覺得逼。餐廳餐牌巴蜀口水雞(半隻) $168雖然我本身麻麻哋食辣野，但係因為朋友好鍾意食辣，所以都決定叫一個冷盤，佢就話想食口水雞，呢度嘅口水雞都算幾辣，不過都啖啖肉，朋友話覺得肉質幾好，不過都真係有啲辣。呢度嘅口水雞價錢其實唔算平，我覺得性價比一般。栗米魚肚羹 $88我同呢個朋友都好鍾意飲湯，跟住我哋決定叫粟米魚肚羹share，一人份量嘅粟米魚肚羹其實真係大概一碗左右，不過我同朋友都叫咗好多嘢食，所以其實份量係OK。呢度嘅粟米魚肚羹算係幾真材實料，我記得我上次嚟都有飲，粟米蓉加上超級多嘅魚肚，味道好正，魚肚又有咬口，正！花蜜汁黑
餐廳環境:呢間餐廳其實位置唔錯，雖然行入去真係有小小遠，不過係你食飯既過程中會望到海架，有海景睇之餘仲有咁多美食，其實係幾chill。餐廳內既環境好唔錯，都算坐得舒服，枱與枱之間亦唔會覺得逼。
餐廳餐牌
巴蜀口水雞
$168
32 瀏覽
0 讚好
0 留言
巴蜀口水雞(半隻) $168
雖然我本身麻麻哋食辣野，但係因為朋友好鍾意食辣，所以都決定叫一個冷盤，佢就話想食口水雞，呢度嘅口水雞都算幾辣，不過都啖啖肉，朋友話覺得肉質幾好，不過都真係有啲辣。呢度嘅口水雞價錢其實唔算平，我覺得性價比一般。
栗米魚肚羹
$88
23 瀏覽
0 讚好
0 留言
栗米魚肚羹 $88我同呢個朋友都好鍾意飲湯，跟住我哋決定叫粟米魚肚羹share，一人份量嘅粟米魚肚羹其實真係大概一碗左右，不過我同朋友都叫咗好多嘢食，所以其實份量係OK。呢度嘅粟米魚肚羹算係幾真材實料，我記得我上次嚟都有飲，粟米蓉加上超級多嘅魚肚，味道好正，魚肚又有咬口，正！
花蜜汁黑椒雞翼
$88
16 瀏覽
0 讚好
0 留言
花蜜汁黑椒雞翼 $88花蜜汁黑椒雞翼係我覺得全晚必叫嘅餸之一，呢到既雞翼真係好好食，性價比好高，黑椒嘅味道唔重唔淡，配上已經凝固咗嘅蜜糖，一咬落去外脆內軟，外層嘅蜜糖真係超級好味，內裏嘅雞肉肉質超級鮮嫩，呢度嘅雞翼真係唔可以唔試。
青梅一字骨
$138
18 瀏覽
0 讚好
0 留言
青梅一字骨 $138青梅一字骨係我同朋友都覺得想試嘅餸，佢嘅醬係幾多，好開胃，我同朋友都覺得佢嘅醋味幾特別，份量都幾多，呢個價錢叫到咁既質素都算唔錯。
牛油芝士焗大蝦
$188
21 瀏覽
0 讚好
0 留言
牛油芝士焗大蝦 $188牛油芝士焗大蝦一上到枱，陣芝士味已經好勁，話明焗大蝦啲蝦真係好大隻，配上勁濃芝士，真係好好味。除咗芝士焗大蝦之外，個蝦底仲有一啲米餅，食完蝦之後再食米餅，極尚享受。
金沙鮮魷魚
$168
15 瀏覽
0 讚好
0 留言
金沙鮮魷魚係我話一定要食嘅餸，本身我對鹹蛋味嘅食物真係難以拒絕，呢度嘅魷魚仲要整得唔錯，肉質幾嫩，起碼識落唔會好似擦膠咁，配上新鮮炒嘅鹹蛋，成件事真係好完美，可能係因為我同朋友叫得太多餸嘅關係，最後我哋都打包左啲返屋企食，拎到返屋企媽媽都話好好味。
馳名烤鴨 (半隻)
$328
16 瀏覽
0 讚好
0 留言
馳名烤鴨 (半隻) $328黎到羲和雅苑，真係唔可以唔要呢度最出名嘅招牌烤鴨，我哋因為得兩個人嘅關係，最後只係叫咗半隻，不過份量絕對已經係非常足夠，呢度嘅烤鴨係會分為三盤，第一份係只有鴨皮，第二份係有鴨皮加肉，第三份係只有鴨肉。每一份所配既醬都唔同，餐廳侍應會再慢慢講解，三盤個底會有熱氣哄住唔怕凍。呢個烤鴨真係超級好味，一定要叫呀！
張貼
