影片
更多
2024-02-26
5618 瀏覽
趁着過年特登book咗呢間想去好耐嘅中菜，見網上啲食評都唔錯，團年飯book左同屋企人喺度好好食一餐，可能期望過高，食完有種俾人呃咗嘅感覺餐廳喺天馬苑商場入面，仲有代客泊車，其實都算方便，員工服務都好好，好有禮貌，不過上菜有啲慢，都有可能係當晚好多人食團年飯，所以慢啲，我覺得都可以體諒，但食物真心覺得連酒樓都不如。由前菜燒味拼盤叉燒同燒鵝都冇火候，個湯就OK，碟魚有少少蒸過龍，但係一見到個炸子雞就真係唔掂，連好彩酒樓都整得好過佢。成晚最好味竟然係碟西蘭花炒蝦球，個西蘭花炒得好爽好翠綠。埋單5300幾，人均九百幾，如果係呢一個價錢我expect會係好味啲嘅嘢。本身仲諗住下次返嚟試吓佢嘅片皮鴨，但試完今次覺得班師傅嘅功底完全唔得，有種俾人呃咗嘅感覺
餐廳喺天馬苑商場入面，仲有代客泊車，其實都算方便，員工服務都好好，好有禮貌，不過上菜有啲慢，都有可能係當晚好多人食團年飯，所以慢啲，我覺得都可以體諒，但食物真心覺得連酒樓都不如。
由前菜燒味拼盤叉燒同燒鵝都冇火候，個湯就OK，碟魚有少少蒸過龍，但係一見到個炸子雞就真係唔掂，連好彩酒樓都整得好過佢。成晚最好味竟然係碟西蘭花炒蝦球，個西蘭花炒得好爽好翠綠。
埋單5300幾，人均九百幾，如果係呢一個價錢我expect會係好味啲嘅嘢。本身仲諗住下次返嚟試吓佢嘅片皮鴨，但試完今次覺得班師傅嘅功底完全唔得，有種俾人呃咗嘅感覺
炸子雞
39 瀏覽
0 讚好
0 留言
張貼
