華香雞 (已結業)

經過灣仔忽然見到有個超大嘅紅色招牌，門口玻璃位又見到掛住咗好多隻豉油雞同白切雞，好吸引😋所以同友人一齊入去試。叫咗份「一人豪華套餐」套餐包括華香雞拼茶香雞+鮮雞腎+雞湯白菜+白飯+老火湯，另外就再加多個淨餸嘅豉汁蒸白鱔～🐔華香雞：有啲似白切雞，但雞味超濃，入口超滑嫩。再配埋呢度自家製嘅薑蔥蓉，又真係幾與別不同～ 唔錯喎👍🏻🐤茶香雞：一入口就有好大陣茶香味湧出黎，可以講，真係好勁，比較小有咁夠味。但同時啲雞肉都好滑嫩，難怪係招牌菜之一🥣老火湯：今日係花生眉豆煲雞腳。店員介紹呢度嘅湯係原汁原味「無添加」任何味精，所以非常健康。飲落又真係幾足料，成碗湯都係材料，好夠味得黎又會死咸，飲到老火湯嘅感覺🐍豉汁蒸白鱔：差唔多有10片厚切白鱔，份量唔少。每片鱔肉上面都鋪滿豆豉醬，惹味提鮮得黎又唔會過咸。性價比高