影片
更多
2011-11-05
59 瀏覽
早前係Facebook見朋友係尖沙咀食原個菠蘿沙冰，非常吸引，今晚一於去試吓。地點係尖沙咀嘉蘭圍，一個旺中帶靜嘅地方，其實係喺利時商場後面，非常易搵。舖面唔係好大，約一千呎，但以糖水舖來說，並唔細；門面以粉紅色包裹著橫樑及柱面，配以落地玻璃，招牌用上白色字樣，非常kawaii；舖內裝潢亦十分kawaii，廚房部份亦都用上粉紅色，其他牆身則漆上白色，貼滿紅色、綠色、黃色、橙色嘅花花草草圖案，與甜品非常貼題；枱櫈用咗白色方木枱櫈，田園風味十足；整間舖嘅格調，好young，好green，好fresh，好kawaii。看一看餐牌，才發覺這間常嚐甜品原來只是分店，至今開舖四個多月，總店原來係佐敦廟街。甜品種類頗多，有原隻生果凍冰冰系列、北海道奶凍系列、美式滑滑冰系列、黑珍珠系列、大明珠系列、小西米系列、涼粉系列和幾款獨家推介，包括北海道燉奶、楊枝甘露、心太軟、芭菲杯、華夫脆餅等等，仲有一系列嘅中式冷熱糖水。我哋今晚嘅目的，當然係原隻生果凍冰冰，向老闆打聽後，知道有幾款生果都好甜、好靚，我哋最後揀咗原隻台灣菠蘿凍冰冰和原隻西瓜凍冰冰，三個人準備將兩個凍冰冰溶化。西瓜凍冰冰先來，喺一個去咗頂嘅迷你西
地點係尖沙咀嘉蘭圍，一個旺中帶靜嘅地方，其實係喺利時商場後面，非常易搵。
舖面唔係好大，約一千呎，但以糖水舖來說，並唔細；門面以粉紅色包裹著橫樑及柱面，配以落地玻璃，招牌用上白色字樣，非常kawaii；舖內裝潢亦十分kawaii，廚房部份亦都用上粉紅色，其他牆身則漆上白色，貼滿紅色、綠色、黃色、橙色嘅花花草草圖案，與甜品非常貼題；枱櫈用咗白色方木枱櫈，田園風味十足；整間舖嘅格調，好young，好green，好fresh，好kawaii。
看一看餐牌，才發覺這間常嚐甜品原來只是分店，至今開舖四個多月，總店原來係佐敦廟街。甜品種類頗多，有原隻生果凍冰冰系列、北海道奶凍系列、美式滑滑冰系列、黑珍珠系列、大明珠系列、小西米系列、涼粉系列和幾款獨家推介，包括北海道燉奶、楊枝甘露、心太軟、芭菲杯、華夫脆餅等等，仲有一系列嘅中式冷熱糖水。
我哋今晚嘅目的，當然係原隻生果凍冰冰，向老闆打聽後，知道有幾款生果都好甜、好靚，我哋最後揀咗原隻台灣菠蘿凍冰冰和原隻西瓜凍冰冰，三個人準備將兩個凍冰冰溶化。
西瓜凍冰冰先來，喺一個去咗頂嘅迷你西瓜上（正確d講，應該係半個西瓜），堆滿西瓜沙冰，再灑上幾粒色彩繽紛嘅蒟蒻，淨係嗰樣，已經引死人，服務員一放低，已經有一陣清新嘅西瓜味撲鼻；老闆仲強調佢哋d沙冰，與坊間嘅沙冰唔同，因為佢哋會將d生果雪至結冰，再將呢d冰生果用沙冰機打碎成沙冰，唔會加任何人做色素或果汁，全部真材實料；我哋急不及待，一人一隻羹，大口大口咁將冰山劈開； 入口果然凍冰冰，仲有一陣清甜嘅味道，淡淡的，唔濃烈，係西瓜嘅甜味和香味，原汁原味，絕對冇人工化嘅甜味，感覺就好似食西瓜似的，唔錯，我哋都好喜歡。
正當我哋食不停手之際，菠蘿凍冰冰亦都送上，呢嗰菠蘿凍冰冰比西瓜凍冰冰更高，呵呵呵，睇得我吔更開心，除咗蒟蒻外，仲有幾粒西米係沙冰上，係燈光照射下，閃晶晶，好搶眼；而且菠蘿嘅香味比西瓜濃郁，食了一口，比西瓜更甜，更香，老闆話係台灣香水菠蘿，雖然細個，但芳香清甜。
你一啖，我一口，唔駛三個字，我哋三個已將呢兩個凍冰冰溶化了，埋單$96，平均每人$32。張貼
