影片
更多
2011-05-29
176 瀏覽
今晚去到一個人生路不熟的地區 - 長沙灣!!只知响地鐵站C2 出口直行至長沙灣體育館轉右, 再直行過馬路; 到街尾再轉左…到咗!!其中一位同事訂枱, 店員要求唔理我哋幾點入座都必須在八點半交枱; 咁大個鼻 的食店, 我就試試哩間食店點解咁大個鼻!! 一點裝修也沒有, 只是整體簡潔通爽的大排檔, 果然大得起!!!店員邊帶位邊說話…."話我哋好老實七個人就真係訂七個位”…..初時還不很明白這句話的意思, 坐下時開始有點明白。當鄰座的人陸陸續續的入坐, 我們更加清楚那句話的意思。我們被編排的枱只是四至五人枱, 反之其中一鄰座只有六人但被編排坐八人枱; 其實坐迫一點也沒所謂, 無奈是餸菜只可同時放上四碟, 當有第五碟餸送上時就要即時 “掃哂” 枱上其中一碟餸, 想慢慢享用也不可!!左改右改後, 我們下了單的餸菜是香脆腐皮卷 – 腐皮炸得香脆, 餡內都是一般素材但亦有小小的蝦仁, 所以咬下時的感覺是爽口。東江豆腐煲 – 豆腐滑魚肉彈, 而且兩者更把自己的精華滲出在湯中; 煲內的生菜及菇菇更吸收湯中的鮮味, 應該是清清淡淡的一個煲, 咁就調出個 “鮮” 來!冰鎮青瓜 – 青瓜新鮮爽脆, 再加上青芥
只知响地鐵站C2 出口直行至長沙灣體育館轉右, 再直行過馬路;
到街尾再轉左…到咗!!
其中一位同事訂枱, 店員要求唔理我哋幾點入座都必須在八點半交枱; 咁大個鼻 的食店, 我就試試哩間食店點解咁大個鼻!! 一點裝修也沒有, 只是整體簡潔通爽的大排檔, 果然大得起!!!
店員邊帶位邊說話…."話我哋好老實七個人就真係訂七個位”…..初時還不很明白這句話的意思, 坐下時開始有點明白。當鄰座的人陸陸續續的入坐, 我們更加清楚那句話的意思。我們被編排的枱只是四至五人枱, 反之其中一鄰座只有六人但被編排坐八人枱; 其實坐迫一點也沒所謂, 無奈是餸菜只可同時放上四碟, 當有第五碟餸送上時就要即時 “掃哂” 枱上其中一碟餸, 想慢慢享用也不可!!
左改右改後, 我們下了單的餸菜是
香脆腐皮卷 – 腐皮炸得香脆, 餡內都是一般素材但亦有小小的蝦仁, 所以咬下時的感覺是爽口。
東江豆腐煲 – 豆腐滑魚肉彈, 而且兩者更把自己的精華滲出在湯中; 煲內的生菜及菇菇更吸收湯中的鮮味, 應該是清清淡淡的一個煲, 咁就調出個 “鮮” 來!
冰鎮青瓜 – 青瓜新鮮爽脆, 再加上青芥辣; 超醒神!
椒鹽骨拼大腸 – 力爭之下才保留了這度高膽固醇的小菜, 還以為不受歡迎; 誰知一上枱鮮橙色外脆內嫩的炸大腸已經唔見咗一半。 椒鹽骨椒鹽味雖不錯, 但相比炸大腸之下就比了下去。
豉椒炒蟶子 – 清洗得乾乾淨淨大大隻肥美的蟶子, 用豉椒汁作調味是一惹味之選。廚師更將聖子炒得火候十足, “肥美” 的感覺沒有炒失; 令口感增添了不少!!
蒜蓉蝦乾蒸勝瓜 – 勝瓜面鋪上蒜蓉及蝦乾, 勝瓜底墊着粉絲; 如此清蒸可令蒜蓉味及蝦乾的鹹味滲進勝瓜內, 粉絲更可吸取勝瓜的鮮甜味。
南乳吊燒鱔 – 鱔是炸而非燒, 南乳醬是分碟上。鱔的外層塗上一些唔知嘜名的漿粉, 炸時可令鱔的油脂及肉汁鎖上, 上碟時才將鱔切件; 所以 “鱔” 味宜人。 南乳醬我是一口也沒點的, 其他同事就話早知唔點南乳醬!!
金針雲耳蒸田雞 – 金針同雲耳都好多, 但田雞份量比例小了些之餘, 田雞部份多是背脊。清蒸方法依然係將食物精華滲出, 汁是餸飯的良伴。
一支大啤, 兩支Jolly Shandy, 三罐可樂, 四碗白飯; 我哋初時都樂在其中…….但看到一碟碟餸送上鄰座…..
“炸” “炸”聲的鐵板黑椒豬手 (差不多在30分內已有十碟八碟出場)
香噴噴的砂鍋臘味煲仔飯 (點解我哋叫白飯??)
大大隻的蒜茸粉絲蒸扇貝 (我哋只有蒸蝦乾仔及勝瓜!!)
震撼性的冰鎮鮮鮑魚及冰鎮大蝦 (快啲食哂啲青瓜, 唔好俾人睇到咁寒酸!!!)
實在看不下去, 所以唔夠八點已衝衝離開; 去覓尋糖水店以甜品填補心靈!!!
張貼
