影片
更多
2009-09-27
23 瀏覽
有同事升職, 柴娃娃到上野慶祝. 本來BOOK了八點鐘, 可惜呢個星期忙到不得了, 最後需要九點先有得食!!一到逹, 門外已聞到好香的鐵板燒味已經非常肚餓, 坐低後睇睇menu, 都幾多食物選擇! 我地七個人點了兩個二人餐再加散點幾款食物. 先講食物其實我地都點左幾多野食. o係大家最肚餓既時候每人上了一客豆腐沙律(本來只有兩客, 但伙記見我地人多, 好樂意送多幾客.) 一客幾清新既沙律. 之後上了北寄貝刺身, 好鮮甜味美, 且爽口. 值得推介! 跟住落黎仍然係刺身, 活赤貝刺身仲鮮甜. 有d同事就認為醒了少少. 但我非常鍾意. 因為真係好鮮甜爽口, 比北寄貝更值得推介! 要燒的食物上得比較慢, 所以伙計先上了這些東東. 再上面豉湯, 但我就唔太好面豉湯, 所以都係留肚食鐵板燒.第一款上既係活蟶子. 第一次係日本餐廳食到蟶子, 初初仲以為係刺身, 原來係燒過的! 同平時的豉椒炒蟶子不同係呢款較淡, 有少少蒜蓉釣味, 味道不錯! 魷魚筒都跟手上枱, 好香, 幾彈牙, 非常有口感. 味道適中. 大家略為休息一下就到了配菜上枱, 冬菇加脆肉瓜, 冬菇幾香. 不過呢個我覺得麻麻. 之後上的帶子
一到逹, 門外已聞到好香的鐵板燒味已經非常肚餓, 坐低後睇睇menu, 都幾多食物選擇! 我地七個人點了兩個二人餐再加散點幾款食物.
先講食物
其實我地都點左幾多野食. o係大家最肚餓既時候每人上了一客豆腐沙律(本來只有兩客, 但伙記見我地人多, 好樂意送多幾客.) 一客幾清新既沙律. 之後上了北寄貝刺身, 好鮮甜味美, 且爽口. 值得推介! 跟住落黎仍然係刺身, 活赤貝刺身仲鮮甜. 有d同事就認為醒了少少. 但我非常鍾意. 因為真係好鮮甜爽口, 比北寄貝更值得推介! 要燒的食物上得比較慢, 所以伙計先上了這些東東. 再上面豉湯, 但我就唔太好面豉湯, 所以都係留肚食鐵板燒.
第一款上既係活蟶子. 第一次係日本餐廳食到蟶子, 初初仲以為係刺身, 原來係燒過的! 同平時的豉椒炒蟶子不同係呢款較淡, 有少少蒜蓉釣味, 味道不錯! 魷魚筒都跟手上枱, 好香, 幾彈牙, 非常有口感. 味道適中.
大家略為休息一下就到了配菜上枱, 冬菇加脆肉瓜, 冬菇幾香. 不過呢個我覺得麻麻. 之後上的帶子皇要一讚. 好大粒, 而且味道唔錯. 有少少黑椒, 幾惹味! 安格斯肉眼扒我認為係全晚最出色! 好有牛味而且好淋又入味, 較乾身加上蒜片一齊燒, 份外惹味! 下次再去都一定會翻叮~!反而跟餐的頂級牛柳略為失色一點. 較硬. 其實牛柳都不錯, 但可能有比較吧! 老虎大蝦很不錯, 蝦好大隻, 非常爽口, 食落有口感, 略有鮮甜味! 到差不多尾聲時上了炒雜菜, 只見芽菜較多. 但甜甜地幾清爽的口感. 加上兩個炒烏冬, 一個三文魚炒烏冬同海鮮炒烏冬, 由於兩個烏冬都差唔多, 全完無為意一個係有三文魚呢! 所以只試了點點海鮮炒烏冬, 其實味道都唔錯, 烏冬幾煙靱, 可惜都已經有點飽, 所以都食剩了…
其實大家都已經七八成飽, 但醒起點了鵝肝多士未到所以追一追, 追的同時先發現原來漏單了. 所以我地另外追加矮瓜同雞腎. 可惜矮瓜無貨, 轉點南瓜.
等左一陣, 三款慢慢上枱, 雞腎幾爽, 唔硬, 不過有同事就認為唔及街邊小販檔好食. 我反而相反, 因為我鍾意佢唔硬且爽口. 但略嫌乾身了點點…南瓜味道有點怪怪. 本來以為係我個人對南瓜麻麻先覺得怪怪, 原來其他同事亦有同感. 最後上餐甜品, 有布甸同雪糕, 我地都選了雪糕, 芝麻味好芝麻, 好好味. 紅豆味同事都話好好味呢. 完成甜品後, 大家都滿足地完成呢一餐慶祝晚飯.
再講服務
服務都OK, 其實我地都係朋友介紹加上有九折先黎, 黎到雖然都幾多人, 無BAR枱坐, 但都安排我地坐卡位. 廚師知道我地係朋友介紹都特意出黎推介幾款招牌食物. 另外, 雖然我地點既係兩個二人餐, 但沙律, 甜品等等都俾足七人份量, 總算不錯吧! 到最後埋單時我地要求多俾幾張VIP咭, 伙計都非常樂意. 雖然服務唔算係超級好, 但以女人街入面既餐廳黎講, 算幾好了!
大伙兒出到門外, 各自歸家, 我先發現, 成身由頭到腳都好大陣燒野食味...建議要去上野食飯後, 一定要立即返屋企沖涼.
張貼
