栢檔極品海南雞飯

營業中

休息中

油塘每次有新餐廳開張都會好多人，見到新開的栢檔極品海南雞飯好多人買，一於試下。餐廳只有幾個位可以俾人坐下，大部分都係預人外賣返屋企食。因為只有一條隊，而且人手好似都唔多，晚餐買個時都要預等返15分鐘左右。其實個一人套餐係幾抵的，有主菜 + 湯 + 時菜 都係$50。原本想加$10轉雞脾，但收銀哥哥好好咁話個雞飯原本已經係有5件脾+3件胸+雞翼，所以最終冇加到。一人套餐 (極品海南雞飯 + 湯 + 時菜) - 湯同時菜真係一般，但個雞都幾滑下，而且有三個醬跟，鼓油同辣醬都唔錯，但薑茸就麻麻地啦。整體而言，食物都唔錯，雖然唔算最平靚正，但總算多一個選擇。