梨花苑韓國料理 (已結業)

今日出左上環之後勁大雨，加上Shopping 完之後一袋二袋，所以都係搵間近地鐵的餐廳就算。而梨花苑真係好近地鐵站，而且個樣又好正宗咁，所以就來左D間啦。餐廳的裝潢比較舊式，好彩坐位闊落適服，環境都唔錯。坐坐下突然上配菜，我同友人仲諗緊要唔要加錢，原來係免費送的，仲有八小碟咁多，款色齊全，當然最好食都係泡菜。石鍋什錦飯 - 石鍋什錦飯分量非常大，而且材料充足，食到既完全係韓國的味道啊。牛展湯 - 原來牛展湯仲有麵線的，可惜麵線放耐左有D淋，而牛展好有牛肉味，熱騰騰的牛展湯鮮甜美味，簡直係人間美食。另外晚餐仲會贈送水果同飲品，飲品可選柚子茶，薑荼，蔘茶等，加埋飲品真係冇得彈啊。整體而言，雖然價錢唔平，但分量都好多下，加上味道服務舒適度各方面都唔錯，可以一試。