影片
更多
2006-12-28
20 瀏覽
成日同男朋友食飯都係我諗去邊度食，有日同男朋友講不如搵次由佢決定，然後唔好話俾我知，直至去到餐廳為止，終於男朋友就搵到呢間我從來未試過嘅Scala。男朋友book到梳化位，好正好闊坐得好舒服，梳化位背住窗口，雖然唔係落地玻璃，不過當晚拎轉頭就望到尖沙咀嗰邊嘅幻彩耀香江嘅煙火表演，好靚好靚。枱同枱之間隔得幾遠，唔特別大聲講嘢隔離枱一定唔會聽到。當晚我哋兩個每人要一個龍蝦湯，好好味，非常唔錯。我想留啲胃口食dessert，所以無叫頭盤，主菜我叫咗個煎sea bass risotto，魚煎得好香，risotto又整得好好，味道同口感都好好。男朋友要咗個安格斯牛扒，我試咗少少，味道同肉質都好好。甜品就要咗兩個:一個冷熱souffle，熱souffle係朱古力味，唔算好甜，朱古力味都夠，唔錯，個凍soffle其實係lemon sorbet，好味，同個熱souffle一冷一熱，一酸一甜都好match，不過可能當晚幾飽，略嫌個lemon sorbet多咗啲(一隻souffle杯裝到實哂仲要再高成cm)...另一個甜品就ordinary啲，要咗個雪糕杯，三款味道(士多啤梨，另外兩款唔太記得，因為我太飽
男朋友book到梳化位，好正好闊坐得好舒服，梳化位背住窗口，雖然唔係落地玻璃，不過當晚拎轉頭就望到尖沙咀嗰邊嘅幻彩耀香江嘅煙火表演，好靚好靚。枱同枱之間隔得幾遠，唔特別大聲講嘢隔離枱一定唔會聽到。
當晚我哋兩個每人要一個龍蝦湯，好好味，非常唔錯。
我想留啲胃口食dessert，所以無叫頭盤，主菜我叫咗個煎sea bass risotto，魚煎得好香，risotto又整得好好，味道同口感都好好。男朋友要咗個安格斯牛扒，我試咗少少，味道同肉質都好好。
甜品就要咗兩個:一個冷熱souffle，熱souffle係朱古力味，唔算好甜，朱古力味都夠，唔錯，個凍soffle其實係lemon sorbet，好味，同個熱souffle一冷一熱，一酸一甜都好match，不過可能當晚幾飽，略嫌個lemon sorbet多咗啲(一隻souffle杯裝到實哂仲要再高成cm)...另一個甜品就ordinary啲，要咗個雪糕杯，三款味道(士多啤梨，另外兩款唔太記得，因為我太飽無乜點食個雪糕)，雪糕杯個底有新鮮kiwi等生果，好抵食。
環境perfect，服務都perfect，經理又會走過嚟講幾句，嗰晚男朋友送禮物俾我，個經理見到又會好識做咁話份禮物beautiful。
整晚好滿意，除咗我有少少唔滿意間餐廳dress code執得唔緊，因為牛仔褲波鞋應該係唔入得，不過當晚就見到多數客著得比較causal，有一枱係tourist，仲要成家剛剛去完迪士尼，一袋二袋，causal衫褲波鞋都入得；又有人著牛仔褲；又有一枱成八個人有多，個host應該係熟客(我估...因為有個waitress成日同佢哋講嘢，個host啲語氣又好似成日去食咁)，講嘢大大聲(我隔幾張枱都聽到)，不過佢哋嗰家人就著得好causal，啲仔女全部牛仔褲，有個仔仲要戴住大headphone走入餐廳，反而個guest family就著得formal好多。我覺得餐廳既然set得dress code就要去執行，一係就唔好同人講有dress code。
總括嚟講好滿意，絕對會再去(book到梳化位嘅話)，睇餐牌價錢好合理(因為男朋友埋單，我唔知食咗幾多錢，只係"立"到白金咭折咗千幾蚊)，好多唔錯嘅italian restaurant都係呢啲價錢，不過就冇咁有空間嘅梳化位。
張貼