影片
更多
2016-04-18
1097 瀏覽
「甜品森林」喺美孚區少有打正旗號嘅甜品鋪，前後都試過幾次，不過，印象都唔喺好深。你話好好食又唔算，好差咩又未至於，最有印象就喺佢鋪位「豆腐潤」咁。最近，美孚街坊老友同我講，甜品森林有個新轉變，就喺擴充咗，晌隔離加開間大鋪叫「森生活」，賣好多健康產品之餘，仲兼做飯市 ，主打套餐，依一晚就拉咗兩位街坊一齊嚟食。入到餐廳內，當然咪以為會佈置到成個森林咁款，低裝修簡約，樓底算高，樓櫈配襯都比較雜，少少家居感。所有食物出品，都喺由隔離甜品森林個廚房一手包辦，再從兩個單位打通嘅小窗戶傳過嚟。從門面，做咗一格格嘅櫃，已見擺放咗好多健康產品，上到閣樓，別有洞天，一角都喺健康、環保嘢 。不過，見佢閣樓都未用盡，仲有好多空間，或者第時有更多發揮。佢哋個套餐好簡單，主菜 + 餐湯或飲品，賣$45；主菜 + 餐湯 + 飲品（名為甜品森林全餐），賣$50，供應時間：12:30pm-4:30pm及6:00pm-9:00pm，無加一 。餐湯雖然寫住有4款，不過，是晚只有南瓜湯及什菌湯供應。 南瓜湯 雖然間鋪營運感覺都家庭式啲，但做個南瓜湯都似模似樣，撞忌廉，下黑椒碎，朋友覺得味道唔錯，個南瓜味幾香甜。而
入到餐廳內，當然咪以為會佈置到成個森林咁款，低裝修簡約，樓底算高，樓櫈配襯都比較雜，少少家居感。所有食物出品，都喺由隔離甜品森林個廚房一手包辦，再從兩個單位打通嘅小窗戶傳過嚟。
從門面，做咗一格格嘅櫃，已見擺放咗好多健康產品，上到閣樓，別有洞天，一角都喺健康、環保嘢 。不過，見佢閣樓都未用盡，仲有好多空間，或者第時有更多發揮。
佢哋個套餐好簡單，主菜 + 餐湯或飲品，賣$45；主菜 + 餐湯 + 飲品（名為甜品森林全餐），賣$50，供應時間：12:30pm-4:30pm及6:00pm-9:00pm，無加一 。
餐湯雖然寫住有4款，不過，是晚只有南瓜湯及什菌湯供應。
南瓜湯 雖然間鋪營運感覺都家庭式啲，但做個南瓜湯都似模似樣，撞忌廉，下黑椒碎，朋友覺得味道唔錯，個南瓜味幾香甜。而且，餐湯都唔喺大路嘅紅湯、白湯，足見誠意 。
什菌湯 小弟則試試佢個什菌湯，稀杰度都啱啱好，入口都幾順滑，只嫌個菌味未夠突出，但其實比起好多茶記嘅白湯（白菌忌廉湯）好飲，因為其實嗰啲只喺忌廉湯加幾片白菌片，無菌味可言。
主菜共有7款，意粉、燴飯、沙律，並加兩款手工麵包，手工麵包好似幾特別，但有啲怕唔夠飽，所以，揀咗個飯，兩位街坊朋友都揀意粉。
鮮菌雜菜燴飯（忌廉汁） 小弟對菌都有少少偏好，所以，就揀依個燴飯，感覺有少少意大利飯嘅影子，但食落又未至於好似意大利飯咁煙韌。飯內混入雜菜粒，不過，鮮菌就似乎少咗啲，還好個忌廉汁不多不少，掛滿晒晌啲飯粒上，而又唔會水汪汪，充滿忌廉嘅奶香，再者，份量頗大，食得小弟飽晒。
香蒜蜆肉意粉 雖然下咗唔少蜆肉，但睇落賣相有啲寡，感覺亦乾身咗，不過，朋友嘅食後感就話啲意粉幾有蒜香，啲意粉乾咗少少，但都幾咬口。建議下多少少橄欖油都無妨，一來橄欖油都算健康嘢，二來個意粉無咁乾，食落都好味啲 。
鮮茄煙鴨胸意粉 相反，碟煙鴨胸意粉好似幾吸引，小試一炷，其實啲意粉又真喺算做得唔錯，始終用鮮茄做醬，既吸引，又醒胃，況且個蕃茄醬的確幾鮮活酸香，果然新鮮。煙鴨胸都喺來貨居多，用料唔太差倒風險甚少。
飲品選擇，唔喺華田、啡茶，喺超健康自家製嘅仲夏養生醒神特飲：檸檬香茅茶、菊花羅漢果茶、蜂蜜洛神花茶，仲貼心到可以揀凍、暖或熱 。而且，餐廳更備有一張簡介，介紹依幾款茶嘅特點同功效。
菊花羅漢果茶 朋友揀嘅飲品無試，就費事寫，寫番小弟所揀嘅菊花羅漢果茶。真喺見到茶面仲浮吓浮吓啲菊花碎碎，店主強調喺自家製之餘，仲喺無添加，個茶嘅甜品喺嚟自啲羅漢果，飲落帶有淡淡菊花清香，唔好理個功效喺點，至少味道幾好！
原來甜品森林不經不覺開咗8年，近來為慶祝開業8周年，除晌優惠周指定甜品去返8年前個價之外，仲有其他慶祝活動，如自家零售品牌優惠、分享活動等等，實行與民同樂 。
此外，惠顧任何套餐，可用優惠價$13加配是日精選糖水：馬蹄露或綠豆沙。所以，我哋3個人，就樣樣試晒。
芝麻糊 +$15 初頭以為好杰，但撈一撈番勻，幾滑溜，因為自家生磨，的確幾香芝麻味，又無太甜嘅弊病，仲幾大碗吓，朋友都食唔晒，要搵佢老公頂上。
綠豆沙 +$13 雖然普普通通嘅一碗綠豆沙，但朋友都讚，皆因喺落香草（其實應該叫臭草），非海帶，加上啲綠豆煮到起晒沙，味道、口感同樣深得老友心。
馬蹄露 +$13 芝麻糊、綠豆沙都算久唔久有食過，但馬蹄露真喺無十年，都有八載無食過。個冰花馬蹄露真喺好得，咪以為我吹水，啲蛋花打得平均、細片，有時出面食腐竹蛋啲蛋花打得求其，打到一嚿嚿架；馬蹄粒切得細碎，唔會時大時細，亦下得唔少，啖啖都食到馬蹄粒，而且個馬蹄露入口感覺確喺幾清潤 。
馬蹄露
27 瀏覽
0 讚好
0 留言
或許，今晚所試嘅幾道主菜未有太突出嘅表現，不過，飲品大賣健康概念，而幾款中式糖水又的確食得到所花嘅心思，整體而言，值得俾佢高分少少。
張貼
