影片
更多
2017-10-08
1014 瀏覽
荃灣地膽一定對開業20年嘅森美餐廳不感陌生，近來老闆嘅仔仔們係舖頭樓下，即係華都中心地下開左一間同樣叫森美餐廳嘅工業風Cafe，夠曬寬敞足夠容納50人，坐得舒服之餘又可以一瞥街景。Menu方面雖然同舊店一樣走西餐路線，菜式方面卻有80%不同，更加西化，不拘一格，有炸魚薯條、安格斯牛肉芝士漢堡等Causal Food、牛肉眼扒等大舊肉、西班牙風腿凱撒沙律等小食，想重溫舊森美的味道，亦有招牌脆燒德國咸豬手，呢個絕對係我嘅飛佛，我一定會重臨大戰佢一場！菜式大大碟，如有可供6人食用的2kg美國斧頭扒，方便一家大細Share。食材都upgrade，如牛油果蟹肉沙律用上了羽衣甘藍，又有波士頓龍蝦漢堡，正值時令，蝦膏爆燈。想係到飲杯野chill一chill又得，店子落重本設置一部價值7萬嘅咖啡機，除咖啡、花茶外，仲引入英國手工汽水，由天然香草發酵，英國古法汽水比一般可樂味道更濃更自然。 用2磅以上嘅豬手，所以夠曬厚肉唔欺場，工序都唔少，需隔日風乾、焗完再炸，外層超級香脆，肉質食然Juicy，伴自製的紫椰菜酸菜。我一定會再去Encore一下。波士頓龍蝦正值時令，非常多膏，爽口鮮甜，配自製千島醬、蕃茄、
Menu方面雖然同舊店一樣走西餐路線，菜式方面卻有80%不同，更加西化，不拘一格，有炸魚薯條、安格斯牛肉芝士漢堡等Causal Food、牛肉眼扒等大舊肉、西班牙風腿凱撒沙律等小食，想重溫舊森美的味道，亦有招牌脆燒德國咸豬手，呢個絕對係我嘅飛佛，我一定會重臨大戰佢一場！
菜式大大碟，如有可供6人食用的2kg美國斧頭扒，方便一家大細Share。食材都upgrade，如牛油果蟹肉沙律用上了羽衣甘藍，又有波士頓龍蝦漢堡，正值時令，蝦膏爆燈。
想係到飲杯野chill一chill又得，店子落重本設置一部價值7萬嘅咖啡機，除咖啡、花茶外，仲引入英國手工汽水，由天然香草發酵，英國古法汽水比一般可樂味道更濃更自然。
脆燒德國咸豬手
$188
68 瀏覽
0 讚好
0 留言
用2磅以上嘅豬手，所以夠曬厚肉唔欺場，工序都唔少，需隔日風乾、焗完再炸，外層超級香脆，肉質食然Juicy，伴自製的紫椰菜酸菜。我一定會再去Encore一下。
波士頓龍蝦漢堡
$148
55 瀏覽
0 讚好
0 留言
波士頓龍蝦正值時令，非常多膏，爽口鮮甜，配自製千島醬、蕃茄、洋蔥及烘香的麵包，清新好吃。
有圖有真相，真係爆！多！膏！
啦，講明先呀，老細話正值時令先係咁，唔係隻隻有架。
牛油果蟹肉沙律
$108
43 瀏覽
0 讚好
0 留言
牛油果夠熟夠軟滑，蟹肉沙律富海鮮味，堅食到一絲絲蟹肉，亮點在於用上羽衣甘藍，因菜葉比較硬身，又稱「鬼佬芥蘭」，是近年流行的「超級食物」，營養價值非常高。我本身以為自己好抗拒，但啲汁又令我覺得...啲菜都幾好食呀！
2kg美國斧頭扒
$880
75 瀏覽
0 讚好
0 留言
難得係荃灣可以食到咁大舊肉！需一天前預訂，足2kg，份量超多夠6人享用，連骨肉質特別鮮嫩，外層燒得香口。
我知，我知，我真係影得好衰，又鬆郁蒙。
我都係用手做下個比例jie。
佢啲肉類主菜嘅配菜真係好鬼癲，有好多款，平時出面餐廳都只會俾啲薯仔你，呢到有烤菠蘿、蕃茄、茄子、露筍，炸薯仔，連焗蒜頭都有！
英國古法可樂汽水
$30
83 瀏覽
0 讚好
0 留言
由香草發酵而成，要花7天時間釀製，味道比一般可樂天然之餘，味道更濃
張貼
