四季文昌 (已結業)

個個都話食椰子雞一定要上大陸食，相反，每次我諗起椰子雞就會想起喺旺角嘅四季文昌。每逢節日四季文昌一定有新攪作，臨近白色情人節一於去望下。今次有新套餐，叫「花繫土雞套餐」裏面有「玫瑰花椰子雞鍋海膽茶葉蛋拼辣雞腎手切黑安格斯牛肉海鮮火鍋拼盤（有蟶子，脆肉鯇片，托托蜆）博多土雞拼盤雞腎，雞子，雞背肉及雞軟骨雞肉滑日本直送菜籃/紫菜響鈴土雞肉玉子煲仔飯/土雞雜煲仔飯」今次個前菜用海膽茶葉蛋拼麻辣雞腎，海膽茶葉蛋比較特別，呢個組合都係第一次見，味道原來都幾夾，只係雞腎真係辣咗啲，令我係咁飲水。個椰子雞鍋一如以往都係用海南文昌雞，肉質真係特別滑溜，椰子湯底校較鮮甜，每次都要飲番兩碗，個手切安格斯牛牛味比較濃郁，入口即溶簡直係我嘅至愛啊。個海鮮拼盤個蟶子都幾大隻，蜆肉都好鮮甜，土雞拼盤我淨係稍為唔鍾意個雞子，因為我都比較少食內臟，不過個雞軟骨雞肉滑就好特別喇，將個雞肉做到成個肉餅咁，又有口感⋯呢個餐仲有一個煲仔飯，一開蓋已經見到隻生雞蛋真係好吸睛啊，飯味又夠香，呢個餐真係好抵食，唔會唔夠飽👍🏻