醉美島 (已結業)

從未食過咁差嘅串燒，完全貨不對辦，當日夜晚9:00鐘入去叫咗二人餐，落完單之後5分鐘唔駛就上齊所有串燒，已經超級懷疑串燒，冇可能咁快，點知一食先知中伏，全。部。都。係。炸。所有食物又乾又韌又冇味，剩係得個燒茄子（可能茄子冇得炸）食得落口。好戲在後頭，兩人埋單699.6，竟然要我俾齊頭700。我當堂呆左，而家咩年代，電子支付仲要四捨五入，已經加左10%，仲要收多我四毫子。非常不樂意地俾錢走人，呢啲當客係水魚嘅餐廳真係一間都嫌多