炑八韓烤 (青衣城1)

營業中

休息中

話說今日同女朋友經過青衣城，見到呢個野，就入去試下，叫咗個烤牛肉套餐加兩杯野飲，總共＄811.5，牛肉量少，價錢偏貴，但都唔緊要，最主要係有一舊牛扒咁嘅野，好唔新鮮，已經有陣味，D泡菜又有陣草味，完全中伏，除咗食物，最癲嘅係一個攣毛嘅中年呀姨，唔知係無腦定係無腦，冇人提埋單嘅情況下，佢拎張單過嚟，直接懟俾坐係對面嘅女朋友，仲要係對面檯面冇地方放嘅情況下咁懟俾佢，成日出街食飯，都係第一次遇到咁嘅情況，場面極度尷尬，搞到身為學生嘅女朋友要爭住俾錢，呢個都算，最後俾錢嘅時候，張單＄811.5，擺低咗＄1012，又係嗰個攣毛中年女人，找番＄0.5，好懷疑係慣犯，見到後生男女出嚟食飯，特登找少錢，睇下有冇人唔好意思出聲，咁一開始亂懟單嘅情況就好合理，特登試探。最後我出聲話找少＄200，佢先返去拎多＄200過嚟，但係全程連句sorry都冇。體驗真係好差，極度唔推薦，唔怪得晚市時段其他食肆都排隊嘅情況下，呢間仲好多空位。