影片
更多
2023-03-07
47 瀏覽
最近到訪位於銅鑼灣嘅極鮨，做緊二人同行一人半價優惠，變相全單七五折！晚市共三款唔同價位嘅Omakase選擇，我哋揀咗價位最高，亦都係內容最豐富嘅匠Omakase set，總共有成二十二道料理，認真誇張🤯！• 匠おまかせ 二十二品 $1680/位前菜有螢光魷魚同慢煮鮟鱇魚肝，前者隻隻爆膏，好香口！後者就略嫌唔夠滑身，失色咗少少👌🏻刺身方面先有大隻肥美嘅岩手縣真蠔打頭陣，及後有太刀魚同沙甸魚卷一同登場，太刀魚有炙燒過嘅香氣，不過就有少少筋，至於沙甸魚卷可以話係小編當日嘅最愛，魚肉肉質肥嫩，落咗少少薑蔥癖腥提鮮再以脆口紫菜包住，所有嘢都配合得宜！磯煮日本黑邊鮑配肝醬，屬於比較濃味嘅一道，肝醬帶點甜味。最後奉上玻璃器皿盛載住嘅間八魚，以蘋果木煙燻過，散發出陣陣香味🐟之後係三款季節和食。第一道係甘鯛立鱗燒配南瓜蓉，香脆可口。目光魚天婦羅細細一條，鮮甜味集中喺魚身當中。壓軸仲有北海道毛蟹，由師傅細心拆肉，食嘅時候可以拌入蟹醋啫喱，令口感多一份清涼酸爽😌輪到壽司部分，包括咗有北海道帶子配竹炭鹽及青檸汁、煙燻鰹魚配蒜蓉大蔥及酸汁啫喱、富山白蝦配烏魚籽、深海池魚配柚子胡椒、赤鯥配三星漬、醬油漬吞拿魚面頰
• 匠おまかせ 二十二品 $1680/位
前菜有螢光魷魚同慢煮鮟鱇魚肝，前者隻隻爆膏，好香口！後者就略嫌唔夠滑身，失色咗少少👌🏻
刺身方面先有大隻肥美嘅岩手縣真蠔打頭陣，及後有太刀魚同沙甸魚卷一同登場，太刀魚有炙燒過嘅香氣，不過就有少少筋，至於沙甸魚卷可以話係小編當日嘅最愛，魚肉肉質肥嫩，落咗少少薑蔥癖腥提鮮再以脆口紫菜包住，所有嘢都配合得宜！磯煮日本黑邊鮑配肝醬，屬於比較濃味嘅一道，肝醬帶點甜味。最後奉上玻璃器皿盛載住嘅間八魚，以蘋果木煙燻過，散發出陣陣香味🐟
之後係三款季節和食。第一道係甘鯛立鱗燒配南瓜蓉，香脆可口。目光魚天婦羅細細一條，鮮甜味集中喺魚身當中。壓軸仲有北海道毛蟹，由師傅細心拆肉，食嘅時候可以拌入蟹醋啫喱，令口感多一份清涼酸爽😌
輪到壽司部分，包括咗有北海道帶子配竹炭鹽及青檸汁、煙燻鰹魚配蒜蓉大蔥及酸汁啫喱、富山白蝦配烏魚籽、深海池魚配柚子胡椒、赤鯥配三星漬、醬油漬吞拿魚面頰配蒜辣油、大拖羅 配芥辣漬、銀鱈魚配黑松露以及三文魚籽海膽杯。壽司大部分均有用上醬汁調味，整體口味較濃，個人喜好會偏向簡單一啲嘅調味，而飯粒嘅口感同酸度就正好合小編口味🙆🏻♀️
食完壽司都未完㗎，仲有主食、湯同甜品！當日嘅主食係燒吞拿魚下巴，燒得外層酥脆，魚油味亦夠香，有少少骨膠原嘅黏口感。甜品則有安納芋羊羹、蜜瓜同士多啤梨💕
張貼
