留家廚房 (已結業)

和一眾OR食友吃罷留家，得出一結論-食物水準有持逐下降的趨勢。- 西洋菜湯淡而無味，食唔出用心製作- 煙燻雞，燻味弱，雞肉太有彈，食過咁多次，呢次最差- 煎魚腸，魚腸太少，敗筆在於無落果皮- 五味骨，大家都讚好，豬肉炆到好淋，口感像煲湯豬- 鵝肝醬炒芥心，個人極為欣賞，芥心嫰，鵝肝醬濃郁- 京酥鴨，和蓮香爭幾皮，是最不為食友欣賞的菜式- 羊肚菌蒸蛋，唔夠熱，羊肚菌的味道不是人人接受- 肉絲炒麵，肉絲獻和炸到極脆的麵分開上，好得！姑勿論食物質素下降，這裡的晚市，由星期一爆至星期五，每晚都做兩輪，利害利害！