鮨見 (已結業)

成日都想試吓廚師發板嘅日本料理，因為菜單全部有廚師話事，主要係以當天最新鮮嘅食材提供比客人，所以客人會有驚喜，因為你唔知下一道菜係乜嘢。今次就揀咗喺尖沙咀亞士厘道鮨見日本料理，餐廳位置好易搵，廚師係日本人，用英文溝通絕對冇問題，十分方便顧客，而且廚師會解釋每一道菜嘅食材。整體環境乾淨簡潔，好有日本氣氛，同埋都比較寧靜，係一間會令人願意係入邊稍作休息嘅餐廳。食物整體唔差，我哋選擇咗hkd1788一位嘅套餐，整體來講都比較新鮮，但個人比較推薦當中嘅海膽杯、日本哈密瓜、茶碗蒸同埋前菜鮟鱇魚乾。鮟鱇魚乾味道酸酸甜甜， 雖然魚乾味濃，但十分順囗，開胃！海膽杯嘅賣相唔差，內有一層又一層海膽，十分吸引且味道鮮甜，而且海膽亦是從北海道來的，新鮮且不膩。茶碗蒸口感細滑，但內有香菇雞肉蝦等配料，造成一層層不同的口感且味道不會太濃，十分推薦！作為最後的甜品，日本哈密瓜實在太適合不過。味道清甜，能和味道較重的食物造成平衡，切合顧客的心態。