影片
更多
2022-12-16
140 瀏覽
登打士廣場一向有好多樓上cafe，是日黎左試下Go Dutch，兩點半左右黎到，原來店舖啱啱營業，個場無乜食客啦。環境唔錯好濶落，作為一間可以玩boardgames🎲打躉嘅樓上舖黎講，枱大位好坐好緊要，餐廳內仲好企理乾淨添。食品選擇十分多，全部都好吸引，一時間真係唔知點咩好。🍔經典芝心安格斯牛肉漢堡配薯條朋友揀左食漢堡，賣相唔錯喎，全部即製熱辣辣，漢堡扒鮮味多汁，仲好有芝味添呀～薯條🍟粗身薯味十足，朋友大讚好食😋🥚煙三文魚牛油果班尼廸自己就揀份輕營啲但又多功夫嘅班尼廸蛋，蛋下面有煙三文魚、牛油果同大量沙律菜，真係好睇又好食，醬汁好味，再加上流心蛋汁無得彈呀👍🍫CHOCK （朱古力心太軟、朱古力雪糕、榛子朱古力牛角包窩夫）食完正餐又叫下甜品，本來想叫麵包磚但店家話今日無貨，咁就轉做呢個朱古力拼盤啦，全部都係朱古力🍫好開心呀😆心太軟同雪糕都好重朱古力味又唔過甜，窩夫上有厚厚嘅榛子醬，三樣野兩個人分住食好滿足！🥛曲奇奶昔&🍵檸檬草茶橫掂黎傾偈，梗係叫返杯大飲品啦，跟餐補差價就得啦。🍪曲奇奶昔比一般店舖大杯，曲奇下得多喎，奶又夠滑，又香又甜好正。🌱檸檬草茶一大壺，好香，食完咁多野清下口腔啱啱好
環境唔錯好濶落，作為一間可以玩boardgames🎲打躉嘅樓上舖黎講，枱大位好坐好緊要，餐廳內仲好企理乾淨添。
食品選擇十分多，全部都好吸引，一時間真係唔知點咩好。
🍔經典芝心安格斯牛肉漢堡配薯條
朋友揀左食漢堡，賣相唔錯喎，全部即製熱辣辣，漢堡扒鮮味多汁，仲好有芝味添呀～薯條🍟粗身薯味十足，朋友大讚好食😋
🥚煙三文魚牛油果班尼廸
自己就揀份輕營啲但又多功夫嘅班尼廸蛋，蛋下面有煙三文魚、牛油果同大量沙律菜，真係好睇又好食，醬汁好味，再加上流心蛋汁無得彈呀👍
🍫CHOCK （朱古力心太軟、朱古力雪糕、榛子朱古力牛角包窩夫）
食完正餐又叫下甜品，本來想叫麵包磚但店家話今日無貨，咁就轉做呢個朱古力拼盤啦，全部都係朱古力🍫好開心呀😆心太軟同雪糕都好重朱古力味又唔過甜，窩夫上有厚厚嘅榛子醬，三樣野兩個人分住食好滿足！
🥛曲奇奶昔&🍵檸檬草茶
橫掂黎傾偈，梗係叫返杯大飲品啦，跟餐補差價就得啦。🍪曲奇奶昔比一般店舖大杯，曲奇下得多喎，奶又夠滑，又香又甜好正。🌱檸檬草茶一大壺，好香，食完咁多野清下口腔啱啱好。
下午無乜客，就算擺住張枱耐啲都無壓力，可以慢慢嘆😌
張貼
