Layback Cafe & Bar (已結業)

明太子炸軟殼蟹忌廉扁意粉 ($138)軟殼蟹香脆可口，扁意粉軟硬適中，入口忌廉味道好濃，加埋明太子有少少辣，香口惹味。爆芝炸魚漢堡配薯條 ($128)雖然係burger，但用咗bagel，外脆內軟，仲用咗兩種醬: 芝士醬同千島醬，有咸香又甜甜地，加埋香脆中嘅炸魚，口感味道豐富；薯條啱啱炸起，熱辣辣，脆卜卜。Chill小食拼盤 ($118)份量一啲都唔小，仲好豐富tim！有紫薯餅、炸天婦羅蝦、菠蘿釀雞翼同炸一口芝士，火候控制得好好，每樣都炸都黃金色，好香口！青蘋果蜜桃沙冰 ($58)口感幼滑，味道清新凉爽，唔會死甜。牛油果咖啡 ($68)估唔到咖嘛味道同牛油果味道都幾夾，而且口感更加順滑。