新羅寶韓國餐廳 (已結業)

之前要去上海出trip幾日，約左啲同事係Terminal 2等，食埋飯先上機，左揀右揀最後大家都想食韓國菜，新羅寶我好耐之前都食過，印象中是正面的！宜家機場食個Lunch都唔平，但價錢算係可以接受之內。我點左個炆牛排骨套餐，配料有豆腐，紅蘿蔔，紅蘿蔔好林身，豆腐好滑但浸唔到陣湯味，令個豆腐都係乜味。牛排骨肉既部份佔大部份，好香牛味而且炆得好林，林到係容易甩骨的，肉質好嫩滑。朋友食左9號餐，軟滑豆腐煲套餐，呢個煲係辣的，但唔算好辣，係泡菜嗰種辣味，呢個菜既豆腐入味好多豆腐好軟好滑，優點係啲豆腐唔易散，食起上黎嗰陣比較方便。上海我黎啦！希望唔好delay