鉅記餅家 (已結業)

#小秘書 媽媽好鍾意食「鉅記」 嘅 #檸檬薑 㗎，今日過開嚟 #尖沙咀 上堂，見時候尚早，就先兜去「鉅記」買盒🍋醒吓佢。如果大家有追開電視劇，晚晚應該睇唔少「鉅記」嘅廣告，但係好多時我都只會喺澳門幫襯，而今日 #尖沙咀之行 卻係第一次。一盒廿包裝賣$32，再買三盒嘅話就再減每盒$4😅 雖然折扣唔係多，但係我居然都有諗咗兩秒先叫自己停手... 師奶上身😅🤣雖然我買嘅嘢唔多，不過服務員都係笑笑口嘅，不枉係做遊客生意👍🏻 #小秘書 放學嘅時候好肚餓，打開咗一包嚟試味... hmm 味道確係唔係我杯茶，薑味好濃，又甜甜地咁，用嚟止吓悶氣我諗都唔錯嘅🤤 不我就寧願飲可樂喇🤣