89
14
6
等級3
42
0
欠細節的高級餐廳
2023-09-24 267 瀏覽
今天星期日，我們一行四人到這間餐廳食lunch。其中我們兩位朋友是之前來過的。我是第一次來。這間餐廳的brunch是每位488加一，這個價錢不包飲品。進入餐廳的時候最明顯是他的無敵維港景色，因為整間餐廳都是落地玻璃又頂到底都是玻璃窗，純粹個人喜好，我覺得有啲「殘眼」，坐正窗邊二人座位的全部都會曬到太陽。首先，座位方面中排的全部都是圓形卡位，可供四人坐，但係其實頗為逼夾，四個人要很瘦削先至夠坐，而且都坐得幾迫。如果以高級餐廳的價錢，我覺得淨係座位已經唔合格，佢冇顧及坐嘅舒適度，這就是第一點細節方面未得。如果你要坐得鬆動，要坐後排高咗上嚟嘅座位，但嗰度用OpenRice book揀唔到。另外食物方面主要係一個類似沙律吧嘅buffet 枱。有沙律，有煙三文魚，有麵包，有生果蔬菜，有芝士，有pizza，有湯，同埋有羊架等等。另外每枱都有個海鮮拼盤，是冷盤的，拼盤內容是每人半隻波士頓龍蝦，一隻大蝦，幾隻蜆同埋青口。到最後有一碟細細件細細件嘅西式蛋糕仔做甜品，另外會有即整嘅意粉同埋有砂糖整嘅棉花糖。成個餐沒有主菜，沒有咖啡奶茶。食物質素可以接受，可能因為坐得迫夾加上其實都幾殘眼啲光線，我對現場環境
更多
今天星期日，我們一行四人到這間餐廳食lunch。其中我們兩位朋友是之前來過的。我是第一次來。這間餐廳的brunch是每位488加一，這個價錢不包飲品。進入餐廳的時候最明顯是他的無敵維港景色，因為整間餐廳都是落地玻璃又頂到底都是玻璃窗，純粹個人喜好，我覺得有啲「殘眼」，坐正窗邊二人座位的全部都會曬到太陽。首先，座位方面中排的全部都是圓形卡位，可供四人坐，但係其實頗為逼夾，四個人要很瘦削先至夠坐，而且都坐得幾迫。如果以高級餐廳的價錢，我覺得淨係座位已經唔合格，佢冇顧及坐嘅舒適度，這就是第一點細節方面未得。如果你要坐得鬆動，要坐後排高咗上嚟嘅座位，但嗰度用OpenRice book揀唔到。另外食物方面主要係一個類似沙律吧嘅buffet 枱。有沙律，有煙三文魚，有麵包，有生果蔬菜，有芝士，有pizza，有湯，同埋有羊架等等。另外每枱都有個海鮮拼盤，是冷盤的，拼盤內容是每人半隻波士頓龍蝦，一隻大蝦，幾隻蜆同埋青口。到最後有一碟細細件細細件嘅西式蛋糕仔做甜品，另外會有即整嘅意粉同埋有砂糖整嘅棉花糖。成個餐沒有主菜，沒有咖啡奶茶。食物質素可以接受，可能因為坐得迫夾加上其實都幾殘眼啲光線，我對現場環境不是覺得10分舒適。而食物方面又沒有驚喜，buffet的麵包沒有提供焗麵包服務，這一點又是細節上未夠完善。加上咁嘅價錢飲品都沒有，要另外嗌，仲要成60幾蚊一杯咖啡。仲要係用capsule ，佢話冇即磨咖啡，我覺得好奇怪，高級餐廳冇即磨咖啡！另外，如果唔係做緊OpenRice book兩個人第二個人半價的優惠，其實仲貴。因為我哋有嗌咖啡，所以就算打咗折頭之後都差唔多$500一個人。性價比不高。最後都要讚一讚，服務其實OK，都殷勤。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐途徑
    堂食