JOY LITM (已結業)

原味疏乎厘班戟🥞一碟有兩塊既班戟擺得好靚，兩塊班戟都軟綿綿，好鬆好腍，班戟上既少少奶蓋好香，成塊班戟蛋香好濃，完全唔會鞋口，每一啖都好滑！日落西柚冰茶🥤冰茶由淺至深色，好似日落咁，咸蛋黃慢慢落去🌄冰茶既茶香好濃，飲得出係茶葉泡開既茶，即使凍飲都飲得出茶既香澀味。西柚新鮮即榨，西柚果蓉酸味岩岩好，酸中帶甜，杯底會飲到啲果蓉，好足料，超級好飲，睇得又飲得🥤成杯完全天然無加工，唔會過甜過酸，全部都係生果既鮮味同茶既濃味，真係好出色！仲有好多唔同既生果茶都好健康，生果係每日新鮮運到，即叫即整架，女士黎到好多選擇，又好飲又唔怕會肥👍🏻仲可以自己選擇唔同口味既水果茶，幾好！