CJ Cafe (已結業)

星期日晚飯時段周圍都要等位，經過呢度發現唔駛等位，環境又舒適，就入黎試下~窗外可以睇住人地戲水，真係好舒暢，就算自己唔玩都好開心!晚餐餐牌:餐湯只有什菜湯，冇得選擇。味道一般:B.炭燒紐西蘭草飼牛肉眼扒餐$148，呢個真係好好食，份量足，有碳燒味道，好有牛味亦都好霖，但又好有口感。大推~H.龍蝦汁海鮮天使麵 $88，材料有蝦、蜆、青口，加上濃郁既龍蝦汁，幾好食，賣相亦都好靚。可惜有啲碎既青口殼，唔覺意咬左落去，牙都爭啲崩，牙痺左十分鐘。如果唔小心吞左都唔知點算，食時要小心!!加$6可轉特飲:藍蝶水晶系列，左:石榴味，右:芒果味。底層係類似啫喱或大菜糕。但兩杯都激甜，亦唔係果汁飲品，係用啲濃縮糖漿沖既。