影片
更多
2024-01-30
451 瀏覽
呢間係位於大坑嘅歐陸風情小酒館。既有意大利菜，又有香港比較少見嘅瑞士美食。✨Malakoff 外面炸到脆卜卜，裏面有Gruyère cheese嘅鹹香，亦都有陣陣酒香。完全係香口版嘅瑞士芝士火鍋🫕，芝士控必食。✨Winter Salad除咗生菜之外，仲有合桃同埋梨。口感同味道都好豐富，怕青味都食到。✨Wagyu Beef Tartare加入烤芹菜同大蒜蛋黃醬，表面仲有大量嘅炸薯絲。比起一般嘅和牛他他，呢個唔會係啖啖肉嘅感覺，明顯更加清新同有層次感。✨Wagyu Beef Shin Ragu Tagliatelle意粉掛起濃郁嘅意式肉醬。肉醬嘅蕃茄酸甜同埋肉味好平衡，裏面嘅牛肉煮到軟腍易咬。✨Pumpkin Al Fredo Creste di Gallo充滿南瓜嘅香甜清新，用嘅係Parmesan cheese，所以唔會有飽膩嘅感覺。呢款感覺上比較啱女士嘅口味。 ✨Ossobuco Milanese是日廚師推介！牛膝軟腍易咬，又有啲軟滑嘅筋位。而且仲吸收晒醬汁嘅味道，所以味道微酸又帶有明顯嘅酒香。而意大利飯有少少番紅花嘅香味。整體嘅味道又唔會膩。✨Odette's Tiramisu口感香
呢間係位於大坑嘅歐陸風情小酒館。既有意大利菜，又有香港比較少見嘅瑞士美食。
✨Malakoff
外面炸到脆卜卜，裏面有Gruyère cheese嘅鹹香，亦都有陣陣酒香。完全係香口版嘅瑞士芝士火鍋🫕，芝士控必食。
✨Winter Salad
除咗生菜之外，仲有合桃同埋梨。口感同味道都好豐富，怕青味都食到。
✨Wagyu Beef Tartare
加入烤芹菜同大蒜蛋黃醬，表面仲有大量嘅炸薯絲。比起一般嘅和牛他他，呢個唔會係啖啖肉嘅感覺，明顯更加清新同有層次感。
✨Wagyu Beef Shin Ragu Tagliatelle
意粉掛起濃郁嘅意式肉醬。肉醬嘅蕃茄酸甜同埋肉味好平衡，裏面嘅牛肉煮到軟腍易咬。
✨Pumpkin Al Fredo Creste di Gallo
充滿南瓜嘅香甜清新，用嘅係Parmesan cheese，所以唔會有飽膩嘅感覺。呢款感覺上比較啱女士嘅口味。
✨Ossobuco Milanese
是日廚師推介！牛膝軟腍易咬，又有啲軟滑嘅筋位。而且仲吸收晒醬汁嘅味道，所以味道微酸又帶有明顯嘅酒香。而意大利飯有少少番紅花嘅香味。整體嘅味道又唔會膩。
✨Odette's Tiramisu
口感香滑，咖啡嘅味道同酒香好平衡。感覺好正宗。
張貼
