影片
更多
2024-09-07
199 瀏覽
Carat Fine Indian and Mediterranean Cuisine希臘哈羅米芝士車厘茄火箭菜沙律 法式油醋汁 沙律嘅主角係烤得香濃嘅希臘哈羅米芝士(Halloumi)，外焦內嫩，睇落似雞肉，搭配新鮮嘅車厘茄同火箭菜，口感層次豐富。以法式油醋汁嘅酸甜平衡咗芝士嘅鹹香，增加濕潤嘅感覺，令沙律更加清新，非常適合作為開胃菜。乳酪番紅花薄荷羊肉香飯 乳酪番紅花薄荷羊肉香飯係用咗紐西蘭嘅優質羊肉，肉質鮮嫩，搭配番紅花，帶有微微嘅薄荷味，完美咁突顯咗羊肉嘅風味。印度香料同酸甜嘅乳酪，令整個羊肉香飯更具異國情懷，令人回味。羊架配石榴汁、薯蓉及彩虹甘筍紐西蘭羊架嘅肉質鮮嫩，煮至剛好，外面略焦香，內裡多汁，口感骨肉分離。石榴汁嘅酸甜為羊肉增添咗另一層次嘅風味。薯蓉口感滑順，彩虹甘筍，烤南瓜等配菜烤得香脆可口。Tandoori Chicken Masala with Indian spices天多里燒連骨雞腿 配馬沙拉咖喱Tandoori雞腿大概係比較出名嘅印度菜式之一，雞肉鮮嫩多汁，搭配馬沙拉咖喱，微微香辣，香氣四溢，味道濃郁。印度香料令Tandoori更具層次感。牛油烤餅店員見我哋叫
希臘哈羅米芝士車厘茄火箭菜沙律 法式油醋汁
沙律嘅主角係烤得香濃嘅希臘哈羅米芝士(Halloumi)，外焦內嫩，睇落似雞肉，搭配新鮮嘅車厘茄同火箭菜，口感層次豐富。以法式油醋汁嘅酸甜平衡咗芝士嘅鹹香，增加濕潤嘅感覺，令沙律更加清新，非常適合作為開胃菜。
乳酪番紅花薄荷羊肉香飯
乳酪番紅花薄荷羊肉香飯係用咗紐西蘭嘅優質羊肉，肉質鮮嫩，搭配番紅花，帶有微微嘅薄荷味，完美咁突顯咗羊肉嘅風味。印度香料同酸甜嘅乳酪，令整個羊肉香飯更具異國情懷，令人回味。
羊架配石榴汁、薯蓉及彩虹甘筍
紐西蘭羊架嘅肉質鮮嫩，煮至剛好，外面略焦香，內裡多汁，口感骨肉分離。石榴汁嘅酸甜為羊肉增添咗另一層次嘅風味。薯蓉口感滑順，彩虹甘筍，烤南瓜等配菜烤得香脆可口。
Tandoori Chicken Masala with Indian spices
天多里燒連骨雞腿 配馬沙拉咖喱
Tandoori雞腿大概係比較出名嘅印度菜式之一，雞肉鮮嫩多汁，搭配馬沙拉咖喱，微微香辣，香氣四溢，味道濃郁。印度香料令Tandoori更具層次感。
牛油烤餅
店員見我哋叫咗Tandoori Chicken Masala，介紹我哋加配牛油烤餅一齊食，外面微微烤燶，餅內軟諗，散發著濃郁嘅牛油奶香。
椰子雪糕
作為完美嘅結尾，椰子雪糕口感清新滑順，椰子嘅香味濃郁突出，俾到人一種夏日嘅感覺。
張貼
