印度筷子

營業中

休息中

雖然住佐敦 但好少會過開嚟官涌街呢頭 今日過黎探新搬黎嘅朋友 順便同佢行下熟習下附近環境 見到開咗間印度筷子餐廳就諗住買外賣上去一齊食 老闆雖然係印度人但一口流利嘅廣東話 而且仲好熱情好客！蕃茄牛油咖喱魚味道香而不辣嘅牛油魚有濃濃嘅香料味 入口嫰滑 而且魚肉亦吸收咗蕃茄同牛油嘅香味 配埋印度烤餅食另有一番風味！咖喱牛腩味道係三款咖喱中最濃 帶點辣香但唔會嗆喉 牛腩肥瘦適中 重點係炆到好淋好入味 送飯食一流！咖喱海鮮海鮮非常足料 份量好多 有魚有蝦有魷魚 魷魚尤其爽口 配上淡淡咖哩香醬汁 越食越滋味！